• मुस्कान श्रेष्ठ
वीरगंज (पर्सा), २३ कात्तिक / पर्सा निर्वाचन क्षेत्र नम्बर ३ ख की उम्मेदवार डा. मधु गुप्ताले आज प्रतिबद्धता पत्र सार्वजनिक गर्नुभएको छ ।
आज वीरगंजस्थित नेपाल पत्रकार महासंघको सभाहलमा आयोजित एक कार्यक्रममा एमाले–जसपा गठबन्धनकी साझा उम्मेदवार गुप्ताले प्रतिबद्धता पत्र सार्वजनिक गर्नुभएको हो । उहाँले आफ्नो पतिबद्धता पत्रमा शहिद तथा घाईते परिवारलाई प्राथकिाता दिनुभएको छ । उहाँले पत्रको पहिलो बुँदामा अधिकार आन्दोलनको क्रममा शहिद तथा घाईतेहरुको सम्मान र उनीहरुको परिवारका लागि शिक्षा, रोजगारी र जिवनयापनका नयाँ योजनाहरु ल्याईने उल्लेख गर्नुभएको छ ।
पत्रमा शिक्षामा सबैको समान पहुच हने, सामुदायिक विद्यालयको स्तरोन्नतरी र दरबन्दी अनुसारको शिक्षक आपूर्ती गरिने, उच्च शिक्षा अध्यनको पूर्वाधार निर्माण गरिने लगायतको विषय समेटिएको छ ।
यस्तै पोखरिया अस्पतालको स्तरोन्नति गरी उपक्षेत्रीय अस्पतालमा रुपान्तरण गर्ने, स्वास्थय बिमालाई प्रभावकारी बनाईने र विपन्न परिवारलाई शौचालय निर्माणमा सहयोग गर्ने योजना रहेको डा. गुप्ताले बताउनुभयो । उहाँले खेतीका लागि मलखाद, वीउ र सिचाईलाई प्रभावकारी बनाउने आफ्नो प्रतिबद्धता पत्रमा उल्ल्लेख गर्नुभएको छ । कृषिमा आधुनिक प्रविधिको उपयोग गरी व्यवासयाीकरण गर्ने, कषकलाई नाफामूलक खेतीमा प्रोतसाहित गर्ने, ग्रामीण क्षेत्रलाई तरकारी र दुग्ध उत्पादनको केन्द्रको रुपमा विकास गरिने प्रतिबद्धता व्यक्त गर्नुभयो ।
यस्तै भोजपुरी भाषा प्रबर्धन गर्ने, पोखरीहरुलाई व्यवस्थित गरि पर्यटकीय स्थल बनाईने पनि उक्त पत्रमा उल्लेख छ । साथै युवा जनशक्तिलाई तालीम प्रदान गरी रोजगारी प्रदान गर्ने, रोजगारीमुलक उद्योगलाई प्रबर्धन गर्ने, महिलालाई उद्यमशीलतामाफर्त आत्मनिर्भर बनाउने प्रतिबद्धता व्यक्त गर्नुभएको छ । कार्यक्रममा एमाले–जसपा गठबन्धनका नेता कार्यकर्ताहरुको उपस्थिति रहेको थियो ।
प्रतिक्रिया दिनुहोस् !