• मुस्कान श्रेष्ठ
वीरगंज (पर्सा), २३ कात्तिक / श्री गणेश बचत तथा ऋण सहकारी संस्था लिमिटेडको १४ औं साधारणसभा आज वीरगंजमा सम्पन्न भएको छ । साधारण सभाकोउदघाटन उदघाटन वीरगंज महानगरपालिकाका नगर प्रमुख राजेशमान सिंहले गर्नुभएको थियो । सभालाई सम्बोधन गर्दै नगर प्रमुख सिंहले सहकारी संस्थाहरुमा देखिएका समस्यालाई सम्बोधन गर्न महानगरपालिका सधैँ तयार रहेको बताउनु भएको छ ।
उहाँले वीरगंज महानगरपालिका आफ्नो मात्र नभई सिंगो वीरगंजबासीको रहेको हुँदा महानगरको कार्यलयमा पुगी विज्ञ तथा जानकारहरु समक्ष आफ्ना समस्या राख्न आग्रह गर्नुभयो । श्री गणेश बचत तथा ऋण सहकारी संस्थाले व्यवासायीक ढंगबाट अघि बढेको जस्तै अन्य सहकारी संस्थाहरु पनि सोही रुपमा प्रगती गरेको हेर्ने चाहेको उहाँले बताउनुभयो । सबैको साथ र सहयोग पाए मात्र वीरगंज महानगरको विकास सम्भव रहेको भन्दै नगर प्रमुख सिंहले चैत्र महिना भित्र सौन्दर्यकरण गरी वीरगंजको रुप परिवर्तन गर्ने प्रतिबद्धता व्यक्त गर्नुभयो ।
कार्यक्रमका सभापति अशोक टेमानीले जनताले सहकारी भन्दा बैंकहरुमा बढी विश्वास रहेको बताउनुभयो । ग्राहकले मेहेनत मजदुरी गरेर कमाएको पैसा केही सहकारी संस्थाहरुले लिएर भागेको कारण जनताको सहकारी प्रतिको विश्वासमा कमि आएको बताउनुभयो । यस्तै विभिन्न प्रक्रियाहरु स्पष्ट नभएकै हुँदा धरासायी भएका सहकारी संस्थाहरु मर्जरमा जान चाहेपनि जान नसकेको गुनासो गर्नुभयो । टेमानीले ठूला–ठूला सहकारी संस्थाहरुलाई जिल्ला तथा स्थानीय स्तरको विकासको कार्यमा जोड्नुपर्ने बताउनुभयो । उहाँले कृषि औजार कारखानाको उदाहरण दिँदै बन्द भएका कारखाना, उद्योग क्षेत्र लगायतमा सहकारी संस्थाहरुलाई पनि सहभागिता गराउनुपर्ने बताउनुभयो ।
अध्यक्ष अशोक टेमानीको अध्यक्षतामा भएको कार्यक्रममा नेपाल उद्योग वाणिज्य महासंघ मधेश प्रदेशका अध्यक्ष गणेश लाठ, हरेराम पटेल, जिल्ला सहकारी सस्था लि.का अध्यक्ष राजेश पडित , बिरगंज उद्योग वाणिज्य संघका कार्यकारी अध्यक्ष अनील अग्रवाललगायतले छोटो अवधिमा बढी मुनाफा कमाउन सफल रहेको भन्दै आगामि दिन अझै प्रगतिको कामनाको साथै नया पदाधीकारीहरुलाई सफल कार्यकालको शुभकामना दिएका छन् । कार्यक्रममा संस्थाका सन्चालक समितिका पदाधिकारीहरु, शेयर होल्डर र कर्मचारीहरुको बाक्लो उपस्थिति रहेको थियो ।
प्रतिक्रिया दिनुहोस् !