वीरगंज (पर्सा), २० कात्तिक / पर्सा क्षेत्र नं. १ ‘ख’ मा प्रदेशसभा सदस्य उम्मेदवार ओमप्रकाश सर्राफले चुनावी प्रचार प्रसार अन्तर्गत घरदैलो अभिायनलाई तिब्र बनाएका छन् । लौरो उम्मेदवार सर्राफले वीरगंजको लक्षमणवा, श्रीपुर, भिस्वा लगायतको टोलमा चुनाव केन्द्रित घरदैलो कार्यक्रम गरेका हुन् ।
पर्सा क्षेत्र नं. १ ‘ख’ बाट ‘लौरो’ छाप लिई प्रदेश सभा सदस्यका उम्मेदवार रहेका सर्राफले विगतमा यही क्षेत्रबाट विजयी भई पदमा बसेर पनि विकास नगरी भ्रष्टाचार मात्रै गरेकोले त्यस्तासँग सचेत रहि स्वच्छ छविका सक्षम युवा उम्मेदवारलाई नै भोट दिन आग्रह गरेका थिए ।
चुनाव केन्द्रित घरदैलो गर्दै सर्राफले गत २०७४ सालको निर्वाचनमा विजयी भई प्रदेशसभा सदस्य बनी आफ्नो पदको लागि राजधानीको सवालमा वीरगंजलाई साटासाट गरेको आरोप लगाउँदै साईकल खरिद, स्वच्छता अभियान, पोखरी सौन्दर्यीकरण, सहिदको शालिक निर्माण लगायतका विकास निर्माण कार्यमा व्यापक भ्रष्टाचार गरि पुनः उम्मेदवार बनेकाहरुबाट सावधान रहन मतदातालाई आग्रह गरे ।
विजयी भएर आफ्नो दुनो सोझ्याउने मात्रै कार्य गरेका नेताहरुको बारेमा मतदाताहरुलाई सम्झाउँदै लौरो छापमा आफूलाई र समानुपातिक उम्मेदवार गुड्डी जोशीलाई भोट दिन आग्रह गरेका हुन् । मधेशीहरुको नाममा करौडौं भ्रष्टाचार गर्नेलाई कडा जवाफ दिन र वीरगंजको मर्यादा कायम गर्न आफूलाई जिताउनु पर्ने सर्राफको आग्रह थियो ।
आफूले मधेशको हरेक धर्मसंस्कृतिको धरोहर विश्वलाई चिनाउन भिजिट मधेश मार्फत पर्यटन, मधेशको संस्कृतिको उत्थान गरेको, कोरोना महामारीमा एक आम समाजसेवीको हैसियतले आफ्ना मतदाताका दुःखमा सदैव साथ रहेकाले लौरोमा मतदान गरि आफूलाई जिताउन सर्राफले अपिल समेत गरे ।
प्रतिक्रिया दिनुहोस् !