वीरगंज (पर्सा), २० कात्तिक / एमाले – जसपा गठबन्धनबाट पर्सा क्षेत्र नम्बर १ का प्रतिनिधि सभा सदस्य उम्मेदवार प्रदीप यादव र प्रदेश सभा सदस्य उम्मेदवार मुख्यमन्त्री मोहम्मद लालबाबुर राउत गद्दीले संयुक्त रुपमा घरदैलो अभियानलाई तिव्र बनाएका छन् ।
आईतबार यादव र गद्दीले वीरगन्जको वडा नम्बर १६ नगवा र वडा नम्बर २ छपकैयामा घरदैलो अभियानको क्रममा मतदाताको घर घरमा पुगेर आफ्नो अमूल्य मत दिएर आफूलाई विजयी गराउन गर्न आग्रह गरेका छन् ।
पूर्व वनमन्त्री समेत रहेका प्रतिनिधि सभा सदस्यका उम्मेदवार यादवले विगतमा विकास निर्माणबारे गरेका कामको अवगत गराउँदै उनले थप विकास गर्नको लागि आफनो जीत आवश्यक रहेको हुनाले आफूलाई नै मतदान गर्न आग्रह गरे ।
आफू जनताकोबीचमा रहेर काम गर्ने नेता भएको दावी गर्दै यादवले सुख दुःखमा सधैं साथ दिने नेता को हुन त्यसको परीक्षण गर्ने बेला पनि आएको हुनाले सहि मुल्यांकन गरि आफ्नो अमूल्य मतदान गर्नु सुझाव समेत दिए ।
घरदैलो कार्यक्रममा मुख्यमन्त्री मोहम्मद लालबाबु राउत गद्दीले पनि आफू विकास प्रेमी नेता रहेकोले आफूलाई नै विजय गराउँन आग्रह गरेका थिए । आफ्नो निर्वाचन क्षेत्रमा उल्लेखनीय विकास निर्माणको काम गरेको भन्दै केही अधुरा रहेका योजनालाई पुरा गराउँनको लागि पनि आफूलाई विजयी गराउन मतदाताहरुसँग आग्रह गरे ।
घरदैलो कार्यक्रममा जसपा एमालेका कार्यकर्ता सहित स्थानियको उल्लेखनीय सहभागिता रहेको थियो । सांसद पदका उम्मेदवार यादव र प्रदेश सभा सदस्य उम्मेदवारलाई गद्दीलाई पुनः एकपल्ट विजय गराउँन आफूहरु लागि परेको स्थानीयहरुले प्रतिबद्धता जनाएका थिए ।
प्रतिक्रिया दिनुहोस् !