शिक्षा सहित १२ बर्षदेखि अलपत्र नगवा कृषि बजार निर्माण पहिलो प्राथमिकता : सर्राफ

वीरगंज (पर्सा), १९ कात्तिक / पर्सा क्षेत्र नम्बर १ को (ख) मा प्रदेशसभा सदस्य पदका लागि ‘लौरो’ छापका उम्मेदवार ओमप्रकाश सर्राफले चुनावी प्रचार प्रसार अन्तर्गत घरदैलो अभियानलाई तिब्रता दिएका छन् । घरदैलो अभियानकै क्रममा वीरगन्ज महानगरपालिका १६ नगवाको घुसुसपुरमा घरदैलो तथा सभा सम्मन्न गरेका छन् ।
घुसुकपुर टोलका युवाहरुले स्वस्फुर्तले आयोजना गरेको सभालाई सम्बोधन गर्दै नगवाको चौतर्फी विकासको लागि आफू प्रतिबद्ध रहेको सर्राफले प्रतिबद्धता जनाएका थिए । म एउटा नेता मात्र होईन, समाजिक क्षेत्रमा काम गर्ने समाजसेवी पनि हु, चुनाव लड्नु अघि पनि आफू २४ औं घण्टा जनताबीच रहेर समाज सेवामा योगदान पु¥याउँदै आएको उनको भनाई छ । एकपल्ट आफूलाई विजय गराएर देखाउँनुस् वडाको विकासमा ठूलो परिर्वतन ल्याउँने प्रतिबद्धता जनाएका थिए ।
उनले विगत १२ बर्षदेखि नगवामा शिलान्यास गरेर छाडिएको कृषि बजारलाई आफू निर्वाचित भए सुबिधा सम्पन्न कृषि बजार निर्माण गर्न प्रतिबद्ध रहेको बताए । भ्रष्टचारीहरुले विगत पाँच बर्षदेखि नगवामा आफ्नो कार्यकर्तालाई पाल्ने बाहेक कुनै काम नगरेको उनको आरोप छ । उनले नगवामा निर्माण भएको सडकको अवधि २ बर्षपनि टिक्दैन, आफ्नै निर्वाचन क्षेत्र रहेका कारणले भ्रष्टाचारी नेताले आफनो कार्यकर्तालाई पाल्नको लागि योजना मात्र ल्याएका छन्, जसअनुसार उनीहरुले विभिन्न योजना गुणस्तरहीन काम गरेर ब्रम्हलुट मच्चाएको आरोप लगाए ।
राष्ट्र निर्माणको अभियान, लौरो (छडी) छापमा मतदान भन्ने नारा सहित चुनावी मैदानमा उत्रेका प्रदेश सभा सदस्यका उम्मेदवार सर्राफले आफू निर्वाचित भएपछि पूर्वाधार निर्माणसँगै स्वास्थ्य, शिक्षामा बढि काम गर्ने योजना बनाएको बताए । अहिले पर्सा जिल्ला स्वास्थ्य र शिक्षा क्षेत्रमा धेरै पिछिडिएको छ । शिक्षा बिना विकास, स्वास्थ्य विना मानिव बाँच्न नसक्ने भएकोले पहिलो प्राथमिकता नै शिक्षा र स्वास्थ्य सुधार रहेको बताए ।
काठमाण्डौंका जनताले जसरी बालेन शाहलाई निस्वार्थ भावले चुनेर मेयर बनाए, त्यसरी नै यहाँका जनताले पनि निस्वार्थ भावना सहित निश्पक्ष छवि र भ्रष्टचार विरुद्ध अभियान चलाउँने, समाज सेवामा योगदान पु¥याउँने युवालाई नै अगाडी सारे मात्र बालेन शाह जस्तो निवास्र्थ विकास निर्माणको कार्यलाई गतिदिन सकिने बताए ।
सभामा लौरो छापकै समानुपातिक तर्फका उम्मेदवार गुड्डी जोशी, इन्जिनियर गजेन्द्र दास, इन्जिनियर बिनोद साह लगायतले सम्बोधन गरेका थिए । कार्यक्रममा स्थानीयले भ्रष्टाचार मुक्त प्रदेश र समाज निर्माणको लागि अहिले परिवर्तनको खाँचो रहेकोले आफूहरु पनि निस्वार्त रुपमै आफूहरु मतदान गर्न प्रतिबद्ध रहेको प्रतिबद्धता समेत जनाएका थिए ।