जिल्ला इन्चार्जकै सहयोगमा एमालेलाई कमजोर गर्ने खेलमा सचिव सकृय

वीरगंज (पर्सा), १८ कात्तिक / पर्साको क्षेत्र नं. ४ मा एमालेलाई कमजोर गर्ने खेलमा जिल्ला सचिव मनोज गुप्ता लागेको आरोप गठबन्धनका नेताहरुले लगाएका छन् । आफ्नै सहोदर हजुर बुवालाई बागी उम्मेदवार बनाउँन मुख्य भुमिका खेलका गुप्ताले पछिल्लो समय गठबन्धन भन्दा बाहिर बसेर चुनावी कार्यक्रम तथा पार्टी प्रवेश लगायतका कार्यक्रमहरु गरी रहेको एमालेका नेताहरुको भनाई छ ।
एमाले–जसपा गठबन्धन क्षेत्र नं. ४ मा बलियो रहेको देखेपछि डराएका बाम लोकतान्त्रिक गठबन्धनका उम्मेदवारहरुले एमाले भित्र बिवाद गराएर पार्टीलाई कमजोर पार्ने खेलमा लागेको एमालेका जिल्ला स्तर नेताहरुको बुझाई छ । पर्साको निर्वाचन क्षेत्र नं. ४ मा प्रतिनिधि सभा सदस्यमा एमाले–जसपा गठबन्धनबाट जालिम मियाँ र प्रदश सांसदमा ‘ख’ बाट सिंगासन साह कलवार र ‘क’ बाट जयप्रकाश थारुको जित सुनिश्चि देखेपछि बिपक्षी गठबन्धनका नेताहरु डराएको एमालेका जिल्ला अध्यक्ष तथा प्रदेश सांसदका उम्मेदवार जयप्रकाश थारुले बताए । उनीहरुले पार्टी भित्र बिवाद निमत्याउँन चलखेल गरी रहेको र त्यसका जिल्ला सचिव गुप्ता सहितका केही कमरेडहरु प्रयोग भइरहेको नेताहरुको बुझाई छ ।
नेकपा एमाले भित्र बिवाद रहेको कुरा कालिमामाई गाउँपालिकाका भएको पार्टी प्रवेशले पनि प्रष्ट पारेको छ । एमाले–जसपा गठबन्धनका उम्मेदवार जालिम मियाँ र सिंगासन साह कलवार सहितका नेताहरुको उपस्थितीमा बुधवार कालिकामाई वडा नं. २ भेडियारीमा पार्टी प्रवेश कार्यक्रमको आयोजना गरिएको थियो । जसमा मियाँ र कलवार समर्थित नेताहरुको सहभागीता रहेको थियो ।
पार्टी प्रवेश भएको एक दिन नबित्दै गुप्ता खेमाका नेताहरुको उपस्थितिमा वडा नं. १ मुर्लीमा बिहिवार पार्टी कार्यक्रमको आयोजना गरिएको छ । जसमा उम्मेदवारहरुलाई समेत बुलाइएको थिएन् । पार्टी प्रवेश कार्यक्रममा एमालेका जिल्ला इन्चार्ज प्रभु हजराको उपस्थिति रहेको भएपनि जिल्ला अध्यक्ष थारुको उपस्थिति रहेको थिएन् । पार्टी प्रवेश कार्यक्रममा स्थानीय नेताहरुलाई समेत नबोलाइएको कालिकामाई गापा वडा नं. २ का वडा अध्यक्ष सोनलाल चौरसियाले बताए । कार्यक्रममा सो क्षेत्रका गठबन्धनका उम्मेदवारहरुलाई समेत बोलाइएको थिएन् । नेकपा एमालेका जिल्ला सचिव गुप्ताको हजुर बुवा उम्मेदवार बने देखि उनको गतिबिधि शंकास्पद देखिएको नेताहरुको टिप्पणी छ । यद्यपी सचिव गुप्ताले यो कुराको खण्डन गर्दै आएका छन् ।
गुप्तासँगै पार्टी प्रवेश कार्यक्रममा सहभागी रहेका एमाले पर्साका उपाध्यक्ष रमान मियाँ पार्टी भित्र कुनै बिवाद नरहेको तथा उम्मेदवारहरु व्यस्थ रहेको कारण हामीले नै नवप्रवेशीहरुलाई पार्टी स्वागत गरेको बताए । उनले बगी उम्मेदवार बनेका प्रहलाद गुप्तालाई पार्टीले कारवाही गरी सकेको बताउँदै कसैले गठबन्धनलाई कमजोर पार्ने सडयन्त्र गरे उसलाई समेत पार्टीले कारवाही गर्ने बताए । पार्टी अध्यक्ष जयप्रकाश थारुले पार्टीमा देखिएको बिचलन बारे पार्टी भित्र छलफल भइरहेको तथा यस बिषयमा भोली बिस्तृत प्रतिक्रिया दिने बताए । स्रोतले जनाए अनुसार पार्टीको जिल्ला इन्चार्ज र जिल्ला सचिवको रवैयाका कारण अध्यक्ष थारु रुस्ट बनेका छन् । यस बिषयमा पार्टीका अगुवा नेतासँग जिल्ला अध्यक्ष थारुले बिहिवार नै छलफल गरेका छन् । छलफलको क्रममा थारुले सचिव गुप्ता र इन्चार्ज हजारा प्रति कडा रोस प्रकट गरेको छ ।
एमालेले कजोर गर्ने खेलमा लागेका जिल्ला सचिव गुप्तालाई पार्टी जिल्ला इन्चार्ज प्रभु हजराको समर्थन रहेको एमालेकै नेताहरुको भनाई रहेको छ । कालिकामाई देखिएको बिबादमा स्थानिय नेताहरुको समेत सहभागीता रहेको स्रोतको दावी छ । कालिकामाई गाउँपालिका केहि नेताहरु सचिव गुप्ताको सहोदर हजुर बुवा गुप्ताको लालटिन छापको प्रचार गरी रहेको स्थानिय नेताहरुको भनाई छ । यस बिषय तहका नेताहरु रिर्पोटिङ्ग समेत रहेको उनीहरुको भनाई छ । गठबन्धनमा आफ्नै पार्टी नेताहरुले दुःख दिन खोजेको भन्दै प्रतिनिधि सभा सदस्यका उम्मेदवार जालिम मियाँ समेत चिन्तित बनेका छन् । यता गठबन्धनका अर्का घटक जसपाका नेताहरुले गदारी भए स्वीकार्य नहुने बताउँदै आएका छन् ।