वीरगंज (पर्सा), १७ कात्तिक / पर्साको क्षेत्र नम्बर ४ (ख) का विभिन्न टोलहरुमा प्रदेश सभा सदस्यका उम्मेदवार सिंघासन साह कलवारले घरदैलो अभियानलाई निरन्तरता दिएका छन् ।
पर्साको पकाहमैनपुर गाउँपालिका वडा नम्बर ५ सबैठवा, लक्ष्मीपुर, पोखरीया लगायतका स्थानका मतदातासँग कलवारले भेटघाट तथा छलफल गरेका हुन् । आगामी मंसिर ४ गते हुने प्रदेश एवम् प्रतिनिधि सभाको निर्वाचनलाई मध्यनजर गर्दै जनता समाजवादी पार्टी (जसपा) र नेकपा एमालेको गठबन्धनका साझा उम्मेदवार कलवारले मतदाता भेटघाटलाई तिव्रता दिएका हुन् । भेटघाटका क्रममा निवर्तमान प्रदेश सभा सदस्यसमेत रहेका कलवारले आफुले गरेका काम र आफ्ना अधुरा योजना पूरा गर्नका लागि भएपनि जनताले पुनः अवसर दिने विश्वास व्यक्त गरेका छन् ।
घरदैलोका क्रममा क्षेत्र नम्बर ४ बाट जसपा र एमालेको गठबन्धनबाट प्रतिनिधि सभा सदस्यका उम्मेदवार जालिम मियाा, नेकपा एमाले पकहामैनपुर गाउँपालिका कमिटीका अध्यक्ष अकलेश कुमार साह, गाउँपालिकाका पूर्व अध्यक्ष बिजय चौरसिया लगायत स्थानीय नेता एवम् कार्यकर्ताहरुको उपस्थिती रहेको थियो ।
प्रतिक्रिया दिनुहोस् !