• मुस्कान श्रेष्ठ
वीरगंज (पर्सा), २५ असोज / पर्सामा करेन्ट लागेर दुई जनाको मृत्यु भएको छ । वीरगंज महानगरपालिका वडा नम्बर २६ बस्ने रामकिशोर प्रसाद कुर्मीको घरको दोस्रो तल्लामा प्लास्टर गर्ने क्रममा जिल्लाको धोबिनी गाउँपालिका वडा नम्बर ३ हरिहरपुर बस्ने वर्ष ३० को सैफुल्ला अंसारीलाई विधुतको पोलको तारमा अचानक करेन्ट लागेर मृत्यु भएको पर्साका प्रहरी उपरीक्षक रमेश बस्नेतले जानकारी दिनुभयो । घटनाको बारेमा अनुसन्धान भईरहेको उहाँले बताउनुभयो ।
यसैगरी वीरगञ्ज वडा नं.९ रानिघाट बस्ने ६० वर्षीय धुर्ब प्रसाद साहको करेन्ट लागेर मृत्यु भएको छ । वीरगंज महानगरपालिका वडा नम्बर ८ बसपार्क स्थित शत्रुधन सराफको घरको छाना सफा गर्ने क्रम्मा विधुतिय तारमा अचानक करेन्ट लागी उनी घाईते भएका थिए । घाईतेको उपचारको लागि वीरगंजस्थित आसाराम अस्पतालमा लग्दा चिकित्सकले मृत घोषण गरेका थिए । घटनाको बारेमा अनुसन्धान कार्य भैरहेको जिल्ला प्रहरी कार्यलय पर्साका प्रहरी उपरीक्षक बस्नेतले बताउनुभयो ।
प्रतिक्रिया दिनुहोस् !