आमाको हत्या आरोपमा छोरा पक्राउ

वीरगंज (पर्सा), ९ असोज / बाराको कलैयामा आमाको हत्या गरेको आरोपमा छोरा पक्राउ परेका छन् । कलैया उपमहानगरपालिकाको वडा नं. ७ रंगपुर टोल निवासी २५ बर्षिय जय किशोर यादवलाई प्रहरीले पक्राउ गरेको हो ।
भदौ ३० गते साँझ ६ः१५ बजेको समयमारु आमा तेतरी देबी घरमा बसी रहेको बेला सामान्य घरायसी विवाद हुँदा छोरा जयकिशोरले आमाको घाँटीको अगाडी भागबाट खुकुरी प्रहार गरेपछि घटनास्थल मै मृत्यु भएको थियो । जिल्ला प्रहरी कार्यालय बाराबाट खटिएको खोजतलास टोलीले फरार रहेका हत्यामा संलगन छोरा जयकिशोरलाई पर्साको ईनर्वाबाट पक्राउ गरीएको प्रहरीले जनाएको छ ।
अनुसन्धानको क्रममा मृतक तेतरी देवीको नागरिकता नबाइदिएको विषयमा विवाद हुँदा घटना भएको देखिएको र निजको श्रीमान शिवनारायण यादव समेतलाई नियन्त्रण लिई सम्मानित बारा जिल्ला अदालतबाट म्याद अनुमति लिई थप अनुसन्धान भइरहेको जिल्ला प्रहरी कार्यालय बाराले जनाएको छ ।