वीरगंज (पर्सा), ९ असोज / वीरगंजको श्रीपुर स्थित अलपाइन स्कुलमा अध्ययनरत छात्रामाथि दुर्व्यवहार गरेको आरोपमा पर्सा प्रहरीले एकजना शिक्षकलाई पक्राउ गरेको छ । पक्राउ पर्नेमा उक्त स्कुलका नेपाली विषयका शिक्षक ताज मियाँ रहेका छन् । निजले एक छात्रमाथि यौनजन्य दुर्व्यवहार गरेको आरोपमा प्रहरीले पक्राउ गरि अनुसन्धान गरि रहेको जिल्ला प्रहरी कार्यालय पर्साले जनाएको छ ।
अभिभावकले दिएको उजुरीको आधारमा असोज ५ गते मियाँलाई पक्राउ गरि अदालतबाट ५ दिनको म्याद थप गराई बाल यौन दुर्व्यवहार अन्तर्गत कारवाही प्रक्रिया अगाडी बढाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले वताए । पीडित बालिका कक्षा ६ मा अध्ययनरत रहेकी छिन् । शिक्षक मियाँले विद्यालयमा आफुलाई दुर्व्यवहार गरेको अभिभावलाई वताएपछि अभिभावकले प्रहरी कार्यालयमा उजरी दिएका थिए । त्यसपछि प्रहरीले शिक्षक मियाँलाई नियन्त्रणमा लिएर अनुसन्धान पक्रिया अगाडी बढाएको हो ।
दुर्व्यवहार आरोप लागेका शिक्षक मियाँको स्थायी घर पर्साको बिन्दवासिनी गाउँपालिकाको वडा नं. ५ मा भएपनि उनी वीरगंजमै बस्दै आएका छन् ।
प्रतिक्रिया दिनुहोस् !