कालिकामाई गाउँपालिकाद्वारा साढे ४२ करोड बढिको बजेट प्रस्तुत

वीरगंज (पर्सा), ३१ भदौ / पर्साको कालिकामाई गाँउपालिकाको ८ औँ गाउँ सभाले साढे ४२ करोड बढिको बजेट प्रस्तुत गरेको छ । गाउँपालिका हरिहरपुर स्थित श्री नेपाल राष्ट्रिय आधारभुत विद्यालयमा आयोजित गाउँसभामा आर्थिक वर्ष २०७९÷०८० को लागि साढे ४२ करोड बढिको नीति कार्यक्रम तथा बजेट प्रस्तुत गरिएको छ ।
गाउँपालिका अध्यक्ष बशिष्ठ कुमार गुप्ताको अध्यक्षतामा आयोजित भएको गाउँ सभाले आर्थिक वर्ष २०७९÷०८० को लागि ४२ करोड ६६ लाख ४० हजार २ सय ९२ रुपैया बराबरको नीति, कार्याक्रम तथा बजेट बहुमतले पारित गरेको छ । सभामा आर्थिक विद्येयक, विनियोजन विद्येयक सहित गाउँपालिकाको आवश्यक ऐनहरुको विद्येयक पारित भएको गाउँपालिकाले जनाएको छ ।
गाउँ सभामा प्रमुख प्रशासकीय अधिकृत अमित कुमार गिरि, वडाध्यक्ष लालबाबु चौरसिया, संजय पटेल, जयनारायण प्रसाद कुर्मी लगायत गाउँ सभा सदस्यहरुको सहभागिता रहेको थियो । यसअघि धेरै पटक गाउँसभाको बैठक बोलाइएपनि बहुमत नपुगेर गाउँसभा हुन सकेको थिएन । गाउँसभाको विषयलाई लिएर झडप हुँदा एक दर्जन बढि व्यक्ति घाइते समेत भएका थिए ।