धोबिनीमा दोस्रो दिन पनि अख्तियारद्वारा अनुसन्धान

वीरगंज (पर्सा), १५ भदौ / पर्साको धोबिनी गाउँपालिकामा दोस्रो दिन पनि अख्तियार दुरुपयोग अनुसन्धान आयोग हेटौंडाको टोलीले विभिन्न योजनाको स्थलगत निरिक्षण गरेका छन् । अनुसन्धान अधिकृत गोपाल शर्मा नेतृत्वको टोलीले धोबिनी गाउँपालिकाको वडा नं. ३ हरिहपुरमा एक सडक ढलान र दुई भवन निर्माणको स्थलगत निरिक्षण गरेको हो ।
यसैगरी टोलीले वडा नं. ५ धोबिनीमा निर्माण भएको दुइटा सडक ढलान र पिपरामा निर्माण भएको एक भवनको पनि स्थलगत निरिक्षण गरेको गाउँपालिकाका प्रशासन शाखा प्रमुख संजय कुमार यादवले वताए । ४० लाखको लागत निर्माण भएको सडकको टोलीले स्थलगत निरिक्षण गर्नुको साथै स्टिमेट अनुसार काम भए, नभएको बारेमा अनुसन्धान गरेको उनले वताए । स्थानियहरुले गाउँपालिका अन्तर्गतको विभिन्न योजनामा अनियमितता भएको उजरी दिएपछि पुगेको प्राविधिकसहितको टोलीले सेम्पलको रुपमा केही योजनाको स्थालगत निरिक्षण गर्नुको साथै अनुसन्धान गरेको हो । तत्कालिन प्रमुख प्रशासकिय अधिकृत जयचन्द्रको साहको पालामा ब्यापक अनियमितता भएिपछि स्थानियले अख्तियारमा उजरी दिएका थिए ।
अधिकृत साहले ६ महिने आफ्नो कार्यकालमा जिन्सी सामानको नकली बिल र नकली दाखिला प्रतिवेदन खडा खरी तथा काम विना डिपिआर गरी रु ५० लाख भन्दा बढी रकम हिनामिना गरेको बुझिएको छ । उनले कार्यालयमा नगई जिल्लाको सदरमुकाम वीरगंजमा कार्यालय संचालन गरी काम गर्ने गरेका थिए । केही दिन अगाडीमा सो कार्यालयको लागि खरिद गरिएको जिन्सी सामानहरु समेत सरुवा भएपछि कार्यालयमा नबुझाएको समाजिक संजाल फेसबुक मार्फत सार्वजनिक भएको थियो । यसैगरी टोलीले विना कामको अनौपचारिक शिक्षा अन्तर्गत गाउँपालिकाको पांच विद्यालयमा पठाइएको रु दुई लाख ४१ हजारको दरले विद्यालयका प्रधानाध्यापकहरुबाट रु १२ लाख ५ हजार फिर्ता गराएको थियो ।