वीरगंज (पर्सा), ४ भदौ / प्रदेश सभा सदस्य प्रहलाद गिरी नेकपा एमालेमा प्रवेश गरेका छन । लोकतान्त्रिक समाजवादी पार्टी (लोसपा) मा रहेका प्रदेश सभा सदस्य गिरी शनिबार काठमाडौंमा एमालेमा प्रवेश गरेका हुन । उनलाई पार्टीका अध्यक्ष एवं पूर्व प्रधानमन्त्री केपी शर्मा ओलीले अबिरको टिका र माला लगाई पार्टीमा प्रवेश गराएका थिए । गिरी संगै युवा नेता अरुण यादव, सुजित गिरी लगायत दर्जन भन्दा बढि नेता कार्यकर्ताहरु एमाले प्रवेश गरेको वताइएको छ ।
नेताहरुलाई एमालेका अध्यक्ष केपी शर्मा ओलीले अबिर टिका एवं फुलमाला लगाई पार्टीमा स्वागत गरेका थिए ।
गिरी तत्कालिन संघिय समाजवादी फोरम नेपालबाट पर्सा निर्वाचन क्षेत्र नम्बर ३ को (ख) मा निर्वाचित भएका थिए । त्यसपछि राजपा र संघिय समाजवादी पार्टी मिलेर बन्नेको जसपामा थिए । जसपा विभाजन भएपछि गिरी लोसपा लागेका थिए । अगामी मंसिर ४ गते हुने निर्वाचनमा प्रदेश सभा सदस्य मै अब एमालेबाट लडने गिरीको तयारी छ । काठमाडौस्थित ओली निवासमा भएको पार्टी प्रबेश कार्यक्रममा पोखरीया नगरपालिकाका मेयर प्रद्युमन चौहान, नेकपा एमाले वीरगंज महानगरका सचिव सुन्दर कुर्मी, युवा नेता शिवजी गुप्ता लगायतको उपस्थिती रहेको थियो ।
प्रतिक्रिया दिनुहोस् !