वीरगंज (पर्सा), ४ भदौ / मधेश प्रदेशका उपकुलपती प्रा.डा.दिपक शाक्य र नेपाल भोजपुरी समाज पर्सा बीरगन्जका पदाधिकारहरु बिच मधेशको भाषा,कला,साहित्य र संस्कृति जगेर्ना लगायतको बिषयमा छलफल भएको छ । नवनियुक्त प्रा.डा. दिपक शाक्यलाई सफल कार्यकालको लागि शुभकामना दिन पुगेको नेपाल भोजपुरी समाज पर्साका टोली र शाक्य बिच मधेशमा बोलिने भोजपुरी भाषाको विकासका लागि सहयोग, सहकार्य र सम्वादका साथ अगाडी बढने बिषयमा गम्भीर छलफल भएको छ ।
नेपाल भोजपुरी समाज पर्साका अध्यक्ष ध्रुव सिंह ठकुरीको नेतृत्वमा पुगेको समाजको टोलीसँगको छलफलमा प्रा.डा. शाक्यले आफ्नो तर्फबाट हुने हरेक प्रकारको सहयोग र समर्थन नेपाल भोजपुरी समाजलाई गर्ने बाचा गर्नु भयो । शाक्यलाई बधाई दिन भोजपुरी भाषाका बरिष्ठ साहित्यकार दिनेश गुप्ता सहित समाजका पदाधिकारीहरु मनोज पटेल,अशोक कुशवाहा,रंजित गुप्ता,प्रिया मिश्रा सहितको टोली पुगेको थियो ।
समाजका पदाधिकारीहरु तथा प्रा.डा. शाक्य बिच बीरगन्ज पब्लिक कलेजको कार्यालयमा भोजपुरी भाषाको विकास तथा मधेश विश्वविद्यालयको बिषयमा लामो छलफल भएको थियो ।
प्रतिक्रिया दिनुहोस् !