वीरगंज (पर्सा), ३ भदौ / चुरे वनजंगल संरक्षण सम्बद्र्धन एवं भूमिहीन सुकुम्बासी दलित र अव्यवस्थित हकहितको लागि वीरगंजमा विरोध प्रदर्शन गर्नुको साथै पर्साका प्रजिअलाई ज्ञापन पत्र बुझाइएको छ । चुरे तथा वनजंगल संरक्षण अभियान, नेपालले वन जंगल संरक्षण एवं सुकुम्बासी भूमिहीनहरुको समस्यालाई समाधान गर्न माग गर्दै वीरगंजको घण्टाघर स्थितबाट विरोध ¥याली सहित पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाएको हो ।
चुरे वनजंगलको संरक्षण सम्बद्र्धन र तराई मधेशका भूमिहीन दलित, सुकुम्बासी तथा अव्यवस्थित बसोबासीहरुलाई भूमि अधिकारबाट बञ्चित रहेका व्यक्तिहरुको अधिकार दिलाउनका निम्ति विगत लामो समयदेखि संघर्ष गर्दै आएको यस अभियानका पर्सा जिल्ला संयोजक संजय साहले पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाएका हुन् ।
ज्ञापन पत्र बुझाउँदै साहले संविधानले कसैलाई पनि भूमिको अधिकारबाट बञ्चित नगराइने मौलिक अधिकारको व्यवस्था गरेकोमा हालसम्म पर्सा जिल्लामा अधिकाँश नागरिकहरु भूमिहीन रहेकोले तत्काल त्यसलाई समाधान गर्नुपर्ने माग गरे । यहाँ दलित एवं सुकुम्बासीहरुलाई बस्नेस्थान छैन, तिनका बालबाच्चाहरु घरविहीन भएर बसिरहेको अवस्थामा संविधानले सुनिश्चित गरेको भूमिको अधिकारबाट बञ्चित गरिएकालाई तत्काल भूमिको अधिकार दिलाउनुपर्ने बताए ।
हालसम्म सरकारले यस विषयमा कुनै पनि चासो देखाएको छैन, हामी चुरे दोहन, वन विनाशको विरुद्धमा आन्दोलनमा उत्रेका छौं, सरकारले यहाँ कुर्सीमा बसेर चुरे दोहन, वन विनाश जस्ताहरु काम गरि रहेको हुनाले त्यसलाई संरक्षणको निम्ति यो विरोध प्रदर्शन गरिएको साहको भनाई छ ।
यसैगरि विरोध ¥यालीमा सहभागीहरुले हामी विगत चार वर्षदेखि यो अभियान संचालन गरेका छौं तर मधेश सरकारले हालसम्म यस समस्याको समाधान गर्नेतर्फ कुनै चासो नदेखाएकोले विरोध प्रदर्शन गर्नु परेको बताए । त्यसैले मधेश प्रदेशका आठै वटा जिल्लाका प्रमुख जिल्ला अधिकारीलाई ज्ञापन पत्र बुझाउने अभियान अन्तर्गत आजको विरोध प्रदर्शन गरिएको बताए । हालसम्म हामी चरणबद्ध आन्दोलनमा छौं, अहिलेपनि समस्याको समाधान भएन भने यो भन्दा सशक्त आन्दोलनमा उत्रिने बताइन् ।
प्रतिक्रिया दिनुहोस् !