बीरगंज (पर्सा) २८ साउन / उपसभामुख पुष्पा भुषालले नेपाल र भारतको सम्बन्ध कुटनितीक मात्र नभई समाजिक, भावनात्मक, सांसकृतिक सम्बन्ध रहेको बताउनुभएको छ ।
नेपाल–भारत सहयोग मञ्चद्वारा आयोजित मैत्री–शुत्र बन्धन एमव शुधकामना कार्यक्रमलाई सम्बोधन गर्दै उँहाले यो रक्षाबन्धन दुई देश बिचको आर्थिक सम्बन्धसंग जुडेको भन्दै दुवै देशको लक्ष संगसंगै अगाडी बढ्नुपर्ने बताउनुभयो । आफ्नो बाल्यकाल भारतमै वितेको हुनाले रक्षा बन्धनको महत्वको बारेमा जानकारी भएको बताउनुभयो । भारतको स्वतन्त्रताका लागि नेपाली कांग्रेस तथा नोपलका राजनीतिक दलहरुले महत्वपूर्व भूमिका खेलेको स्मरण गराउनुभयो । नेपालको विकासको प्रयासमा मित्र राष्ट्र भारतले गरेको सहयोग प्रति आभार प्रकट गर्नुभयो ।
यसैगरी भारतका संघीय सांसद संजय जैसवालले भारतको रक्सौलदखि वरिगंज हुदै काठमाण्डौँ सम्म रेल संचालन गर्ने आफूहरुको चाहना रहेको बताउनुभएको छ । उहाँले रक्सौलमा एयरपोर्ट बनाउने विषयमा पनि आफूहरु गम्भीर रुपमा अघि बढिरहेको बताउनुभयो । भारतिय संसाद जैसवालले भारतको संसदमा नेपालले भोगिरहेको विभिन्न समस्याहरुको बारेमा आफूहरुले कुरा राख्ने गरेको बताउदै आगामी दिनहरुमा पनि लागि रहने बताउनुभयो ।
यसैगरी भारत बिहारकी निवर्तमान उप–मुख्यमन्त्री रेनु देवीले नेपाल–भारतको सिमा क्षेत्रमा मनाईएको रक्षा बन्धनले दुई देशबिचको सम्बन्ध झन बलियो बनेको बताउनुभएको छ । मुलुकको आर्थिक अवस्था कमजोर भए विकास र समृद्धि हासिल गर्न नसक्ने भएको हुदाँ दुवै देशलाई आर्थिक रुपले बलियो बनाउन आफूहरुले पहल गर्ने बताउनुभयो । उहाँले भारतले सधै नेपाललाई समृद्ध मुलुकको रुपमा हेर्न चाहेको बताउनुभएको छ ।
वीरगंज महानगरपालिकाका मेयर राजेशमान सिंहले नेपाल– भारतको सम्बन्ध रोटिबेटीको रहेको भन्ने कुरा बोलीमा मात्र नभई व्यवहारमा पनि देखिनुपर्ने बताउनुभएको छ । उँहाले रोटिबेटीको सम्बन्धको नाममा गलत फाईदा लिनेहरु सक्रिय रहेको हुदाँ त्यसता व्यक्तिहरुको पहिचान गनुपर्ने बताउनुभयो । मेयर सिंहले वीरगंजदेखी रकसौल तथा रकसौले देखि वीरगंज आउने यात्रुहरुलाई चेकजाचँको नाममा सुरक्षार्कीहरुले दुःख दिने गरेको भन्दै यस विषयमा दुवै देशले पहल गर्नुपर्ने बताउनुभएको छ ।
नेपाल भारत सहयोाग मञ्चका अध्यक्ष अशोक वैद्यको सभापतित्वमा भएको कार्यक्रममा दुवै देशका प्रतिनिधिहरुले राखी बाधेर शुभकामना आदान प्रदान गरेका थिए ।
प्रतिक्रिया दिनुहोस् !