• मुस्कान श्रेष्ठ
वीरगंज (पर्सा), १६ साउन / राष्ट्रिय प्रजातन्त्र पार्टीका अध्यक्ष राजेन्द्र लिङदेनले बजेट निर्माणको क्रममा अर्थमन्त्री जनाद्र्धन शर्माले गरेको अपराधलाई बहुमतको बलमा ढाकछोप गर्न खोजिएको आरोप लगाएका छन् । वीरगंजको नगर सभागृहमा राप्रपा पर्साद्वारा आयोजित पार्टी प्रवेश कार्यक्रमलाई सम्बोधन गर्दै अध्यक्ष लिङदेनले बजेट निर्माणको क्रममा अनधिकृत व्यक्तिको संलग्नता रहेको जानकार भएपनि त्यसता अपराधमा संलग्न मन्त्रीलाई सत्ता पक्षले चोख्याएको आरोप लगाएका हुन् । उनले अथमन्त्रालयले ठूलो देशदोह्री कार्य गरेपनि छानबिन समितिले ढाकछोप गर्न खोजेको बताएका छन् ।
अध्यक्ष लिङदेनले तीन दशकमा कुनै पनि सरकारले आफ्नो पूरा कार्यकाल पुरा गर्न नसकेकोे बताए । प्रजातन्त्र, गणतन्त्रको नाममा अहिलेका पार्टीहरु लुटतन्त्र मचाउन थालेको हुनोले यस्ता नेताहरुबाट देशको विकास र समृद्धिको आशा राख्न नसकिने भन्दै अब जनताबाट प्रत्यक्ष निर्वाचित प्रधानमन्त्री हुनुपर्ने राप्रपाको धारण रहेको उनले बताए । अध्यक्ष लिङदेनले तराई कृषि योग्य भूमि भएपनि यँहाको किसानहरुले खेतीपातीको समयमा मल पाउन सक्ने अवस्था नरहेको बताएका छन् । उनले किसानहरुले भारतबाट मल चोरी ल्याउनुपर्ने बाध्यता रहेको भन्दै मधेशका नेताहरु ६ पटकसम्म कृषि मन्त्री बन्दा हालसम्म मल कराखाना संचालन किन नगरेको भनि प्रश्न गरेका छन् ।
अध्यक्ष लिङदेनले नेपाल जस्तो सानो मुलुकले धेरै जनप्रतिधिहरु र मन्त्रीहरु पाल्न नसक्ने भन्दै संघियता खारेज गर्नुपर्ने बताएका छन् । उनले संघियता लागु भएपनि राष्ट्रि ऋण बढ्दै गएको बताएका छन् । राजाका पालामा २९ अर्बको ऋण संघीयता पश्चात १८ खर्ब नाघिसकेको बताएका छन् । अध्यक्ष लिङदेनले आगामी संघ र प्रदेशको निर्वाचनमा पार्टीलाई बलियो बनाउन एकजुट भएर अघि बढ्न निर्दशन दिएका छन् । कार्यक्रममा विभिन्न पार्टी परित्याग गरि १ सय भन्दा बढी नेता तथा कार्यकर्ताहरु राप्रपामा प्रवेश गरेका छन् ।
प्रतिक्रिया दिनुहोस् !