• मुस्कान श्रेष्ठ
वीरगंज (पर्सा), ७ साउन / नेपालका प्रथम जन निर्वाचित प्रधानमन्त्री स्व. वीपी कोईरालाको ४० औँ स्मृति दिवसको अवसरमा नेपाल कांग्रेस पर्साले रक्तदान कार्यक्रम सम्पन्न गरेको छ । नेपाली कांग्रेस क्षेत्र नम्बर २ का सभापति महम्मद सहाबुद्दिनद्वारा आयोजित रक्तदान कार्यक्रममा ४ महिला सहित १ सय ५० जना बन्दा बढीले रक्तदान गरेका छन् ।
रगतको अभावका कारण मानिसहरुले अनाहकमा ज्यान गुमाउनु परेको भन्दै सो कुरालाई मध्यनजर गर्दै उनको स्मृतिमा रक्तदान कार्यक्रमको आयोजना गरिएको क्षेत्र नम्बर २का सभापति सहाबुद्दिनले बताउनुभयो । कार्यक्रममा वक्ताहरुले मुलुकको राजनीति, साहित्य क्षेत्रमा स्व. कोइरालाले गरेको योगदान सधैँ स्मरणीय रहने बताएका थिए । वीपीले देखाएको बाटोमा पार्टीले आत्मसात गरेर हिड्नुपर्ने उनीहरुको भनाई छ ।
नेपाली कांग्रेसका केन्द्रिय सदस्य अजय चौरसियाको उपस्थितिमा भएको कार्यक्रममा वीरगंज महानगरपालिकाका उप प्रमुख इम्तियाज आलम, नेपाली कांग्रेसका पर्साका उप सभापति रामनारायण कुर्मी, वरिगंज महानगरपालिकाकी पूर्व उप–मेयर शान्ति कार्की, दिना गुप्ता, रामरुप र्कुी, श्याम पटेल लगायतको उपस्थिति रहेको वीरगंज महानगरका उप प्रमुख आलमका प्रेस सल्लाहकार महमद सदाब ले जानकारी दिनुभयो ।
रक्तदान कार्यक्रममा प्राविधिक सहयोग रक्त संचार केन्द्र वीरगंजले गरेका थिए ।
प्रतिक्रिया दिनुहोस् !