• मुस्कान श्रेष्ठ
वीरगन्ज (पर्सा), ५ साउन / वीरगंज महानगरपालिकाको सदभावना दुतमा वरिष्ठ उद्यागपति अशोक वैद्य नियुक्त भएका छन् । बिहीबार नेपाल–भारत सहयोग मञ्चका अध्यक्ष समेत रहेका वैद्यलाई महानगरका मेयर राजेशमान सिंहले नियुक्त गरेका हुन् । उद्योगपति वैद्यले वीरगंजको आर्थिक, सामाजिक र पूर्वाधार क्षेत्रमा पुर्याएको अतुलनिय योगदानकोे उचित मूल्यांकन गर्दै महानगरको नगरसभाको ११ औँ अधिवेशनले उनलाई उक्त पदमा नियुक्त गरिएको मेयर सिंहको सचिवालयले जनाएको छ ।
वीरगंज महानगरका मेयर राजेशमान सिंहले नव नियुक्त सदभावना दुत वैद्यलाई बधाई तथा शुभकामना दिदैँ विगत झै यसपटक पनि उनले आफ्नो कार्यकालमा वीरगंजको वृहत्तर विकास लगायतका सम्बन्धीत क्षेत्रमा उल्लेखनीय भूमिका निर्वाह गर्ने विश्वास व्यक्त गरेका छन् । यसैगरी वीरगंज उद्योग वाणिज्य संघका पूर्व अधयक्ष समेत रहेका उद्योगी अशोक वैद्यले विभिन्न निकाय तथा छिमेकी मुलुक भारतका विभिन्न क्षेत्रहरुसंग राम्रो सम्बन्ध विस्तारका लागि काम गर्ने बताएका छन् । उनले भारतसंग सहकार्य गरेर वीरगंजलाई सफा–सुन्दर र हराभरा बनाउन तथा नगरको पूर्वाधार विकासको लागि आफू लागि रहने प्रतिबद्धता व्यक्त गरेका छन् ।
उद्योगपति वैद्य यसअघि पनि महानगरका सदभावना दुत रहेका थिए ।
प्रतिक्रिया दिनुहोस् !