सिपमुलक तालिमलाई नतिजामुखी बनाउनुपर्छ : उप–प्रमुख आलम

• मुस्कान श्रेष्ठ
वीरगन्ज (पर्सा), ४ साउन / वीरगंज महानगरपालिकाका उप–प्रमुख ईम्तियाज आलम कुनैपनि सिपमुलक तालिमलाई नतिजामुखी बनाउनुपर्ने बताउनुभएको छ । क्रिएटिभ स्किलसद्वारा होटल मकालुमा आयोजित वैदेशिक रोजगारीबाट फर्किएका नेपालीको लागि निःशुल्क सिप तथा क्षमता अभिवृद्धि कार्यक्रमलाई सम्बोधन गर्दै उप–प्रमुख आलमले सो कुरा बताउनुभएको हो ।
पैसा कमाउने आशामा विदेश जान बाध्य भएका खास गरी युवाहरु, पछि अलपत्र पर्ने गरेको स्मरण गर्दै उँहाले सिपमुलक तालिमको आयोजना गरि उनीहरुलाई सक्षम बनाई देशमै रोजगारी प्रदान गर्नुपर्ने बताउनुभयो । वीरगंजका युवाहरुको क्षमता अभिवृद्धिका लागि महानगपालिकाबाट हुन सक्ने सहायोग गर्ने प्रतिबद्धता व्यक्त गर्नुभयो । यस्तै क्रिएटिभ स्कीलस प्रा.लि.का कार्यकारी अध्यक्ष राकेश साहले बिदेशबाट फर्किएकालाई सिप प्रदान गरेर स्वदेशमै रोजगारी गर्न सक्ने क्षमता भएको मानिस बनाउने यो तालिमको उदेश्य रहको बताउनुभयो ।
आफ्नो सं्रस्थाले बेलाबखतमा विभिन्न तालिमको आयोजन गर्ने गरेको र यसपटक वेटर तथा वेट्रेस तालिम संचालन गरिएको बताउनुभयो । एक महिनासम्म संचालन हुने सो प्रशीक्षणले यँहाका युवाहरुको क्षमता अभिवृद्धिमा सहयोग पुग्ने तथा युवहरुमा नयाँ जोस र जागर आउने बताउनुभयो ।