वीरगन्ज (पर्सा), १ साउन / ग्रिनसिटी सामुदायिक प्रहरी सेवा केन्द्र आर्दशनगरले अव्यवस्थित तारहरुलाई व्यवस्थित गर्ने कार्यलाई तिब्रता दिएको छ । वीरगन्ज महानगरभित्र रहेको विभिन्न विद्युतको पोलहरुमा अव्यवस्थित रुपमा तानिएका तारहरुलाई हटाउने कार्यलाई तिब्रता दिएको हो । वीरगंज महानगगरपालिकाको सहकार्यमा सामुयिक प्रहरी साझेदारी कार्यक्रम अन्तरगत ग्रिनसिटीले वडा नम्बर १ं० आदर्शनगरमा अव्यवस्थित तरिकाले राखिएको नेट तथा डिसहोमका तारहरु व्यवस्थित गरेको र काम नलाग्ने ३०० किलो तारहरु काटेर हटाएको छ ।
वीरगन्जको मुख्य सडकका पोलहरुमा अव्यवस्थित तरिकाले काम नलाग्ने तारहरु रहेको कारण सहर कुरुप देखिने गरेकोले काम नलाग्ने तारहरु हटाउने अभियान नै संचालन गरिएको ग्रिनीसिटी सामुदायिक सेवा केन्द्रका अध्यक्ष जयप्रकाश खेतानले जानकारी दिए । हाल महानगर भित्र विजुलीको पोलहरुमा तारहरु लत्रिएको अवस्थामा छ । विद्युतको पोलहरुमा ईन्टरनेट, टेलिफोन, टेलिभिजनका तारहरु अव्यवस्थित तरिकाले राखिएको कारण कुनै पनि बेला दुर्घटना हुन सक्ने अध्यक्ष खेतानले बताए । तार व्यवस्थापनका लागि सम्बन्धित निकाय गम्भिर रुपमा लाग्नुपर्ने उनको भनाई छ ।
उक्त अभिभयानमा वडा प्रहरी कार्यालय वीर्ताका प्रहरी निरीक्षक विशाल मल्ल, सरकारी तथा गैरसरकारी कार्यालयका प्रतिनिधिहरु, ग्रिन सिटीका प्रतिनिधिहरुको उपस्थिति रहेको थियो ।
प्रतिक्रिया दिनुहोस् !