वीरगन्ज (पर्सा), ३२ असार / जनता समाजवादी पार्टी (जसपा) नेपालका दुई केन्द्रिय सदस्यसहित ६९ जनाले पार्टी परित्याग गरेको घोषणा गरेका छन् । केन्द्रिय सदस्य बिरेन्द्र यादव, टेक बहादुर शाक्य, प्रदेश सदस्य सलाउदिन अहमद, जिल्ला सदस्य एवम् जगरथापुर गाउँपालिका अध्यक्षका प्रत्यासी कृष्ण मोहन यादव, पर्सा निर्वाचन क्षेत्र नं. ४ का अध्यक्ष लालबाबु साह, जिराभावानी गाउँपालिका संयाेजक राजबली यादव, ठोरी गाउँपालिका संयाेजक राम बहादुर पाख्रिन लगायतकाले सामुहिक रुपमा पार्टी परित्याग गरेको घोषणा गरेका छन् ।
शनिबार वीरगंजमा पत्रकार सम्मेलनको आयोजना गर्दै आफुहरु आजैको मितिले पार्टी परित्याग गरेको घोषणा गरेका हुन् । पार्टीमा स्वच्छाचारिता, पार्टी एकलौटी ढंगबाट पार्टी संचालन भएको, निति, नियत र नेतृत्व प्रष्ट नभएको र पार्टी संगठनात्मक संरचनामा नभई पार्टीमा ब्यक्ती, ठेक्दार र भ्रष्टाचारी हाबी भएको पार्टी परित्याग गर्ने नेताहरुले आरोप लगाएका छन् । पार्टी परित्याग गर्नेमा अधिकांश नेता तथा कार्यकर्ता पर्सा निर्वाचन क्षेत्र नं. ४ का रहेका छन् ।
प्रतिक्रिया दिनुहोस् !