दलित वस्तीमा सरसफाई र स्वास्थ सम्बन्धि सडक नाटक प्रदर्शन

कलैया (बारा), ७ असार / थानीय जनतामा सरसफाइ र स्वास्थ सम्बन्धि जनचेतना जगाउने उद्देश्यले स्थानीय तथा शहरी बिकास केन्द्र संस्थाले सडक नाटक गरेको छ । कलैया उपमहानगरपालिकाको सहयोगमा स्थानीय तथा शहरी बिकास केन्द्र संस्थाले कलैया उपमहानगरपालिकाको वडा नं २२, दुई वटा टोलमा र वडा नं २४ को बेलवा डिह र सखुई टोलमा सरसफाई र स्वास्थ सम्बन्धित सडक नाटक गरेर वडाहरुमा सरसफाई र स्वास्थ्य सम्बन्धित जनचेतना जगाएको हो ।
यी दुबै वडामा गरिब, दलित, अशिक्षित र पिछडिएको बर्गका अधिकांश जनताहरुको बसोबास रहेका छन । स्थानीय सरकारले शौचालय बनाउनको लागि रिङ्ग शौचालय सिट लगायत बितरण गरेपनि शौचालय बनाउनुको सट्टा रिङ्गमा गाई भैंसी रङ्गा र बङ्गुर खुवाने गरेका छन । दिशा पिशाब गर्नको लागि घरको वरिपरि, खेतबारी, नदी नाला, पोखरीमा समते जाने गरेकाले कति स्थानीयलाई फोहर मैला र दुर्गन्धका कारण विभिन्न रोगबाट ग्रसित रहेका वडा नं २२ का वडाअध्यक्ष शिवचन्द्र कामीले बताएका छन् ।

त्यस्तै बालबालिकाले घरको वरिपरि दिशा पिशाब गरेर साबुन पानीले हाथ मुख नधोएर सिधै खाना खाने चल्न रहेका छन । त्यस्तै मुसहर बस्तीका बालबालिकाले दिशा गर्दै खाना खाने पनि देख्न पाइन्छ । यस्तो महिलाहरुले खेतबारीबाट आएर सरसफाइ नगरी घरको खाना पकाउन थाल्छिन् । यही फोहर मैलाको कारणले वडा नं २२ र २४ दलित समुदायका स्थानीयका बालबालिकाले झाडापखाला र हैजा र ज्वरोबाट ग्रसित रहेका छन् । वडाका जनताहरुलाई एक ठाउँमा भेला गरेर स्थानीय तथा शहरी बिकास केन्द्रले सरसफाई र स्वास्थ सम्बन्धि नाटक गरेर जनचेतना जगाएका वडा नं २४ का वडा अध्यक्ष हिरालाला चौधरीले बताए ।
स्थानीय तथा शहरी बिकास केन्द्रले सरसफाई र स्वास्थ्य सम्बन्धि सडक नाटक प्रदर्शन पश्चात् स्थानीय जनतासँग प्रक्रिया लिँदा सरसफाई सम्बन्धि पहिला जनकारी नभएको र अहिले आएर धेरै कुरा सिकेको पुनम रामले बताउँछिन् । शौचालयको लागि ल्याइएका रिङ्गलाई सरसफाई गरि शौचालय बनाएर पुरै परिवार शौचालयमा दिशा पेशाब गर्ने स्थानीय महिला शुशिला देबी प्रतिबद्धता जनाएकी छिन् । उनका अनुसार अन्य संघसंस्थाबाट गरेका सडक नाटक कार्यक्रममा आफुले केही बुझन् सकेका थिएन, तर स्थानीय तथा शहरी बिकास केन्द्र संस्थाले गरेका सडक प्रदर्शनबाट धेरै कुरा बुझेको सुनाउँछिन् ।
कार्यक्रम कलैया उपमहानगरपालिकाका प्रतिनिधि तपसी चौरसीया, वडा सदस्य, वडाका क्रमचारी, समाजसेबी विभिन्न राजनीति दलका प्रतिनिधिहरु, पत्रकार एवं सर्बसधारण स्थानीय जनताको उपस्थिति रहेको थियो ।