वीरगंज / विश्व हिन्दु परिषद नेपालले धार्मिक सहिष्णुता खल्बल्याउन भइरहेको प्रयास रोकन माग गरेको छ । परिषद्ले सोमबार पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाउँदै जिहादी मानसिकता भएको तत्वले नेपालमा धार्मिक सहिष्णुता खल्बल्याउने दुष्प्रयास गरेको भन्दै गम्भिर ध्यानाकर्षण भएको जनाएको छ ।
हिन्दु परिषद्ले बुझाएको ज्ञापन पत्रमा भारतप्य हिन्दूवादी नेतृ नुपुर शर्मा सहभागप् रहेकी एक टिभी डिबेट शो (कार्यक्रम) मा इस्लामिक स्कलरले हिन्दु धर्मावलम्बीको आस्थामाथि चोट पु¥याउँदै देवी देवतामाथि अभ्रद टिपणी गरेका थिए । नेतृ शर्माले ईस्लाम धर्म ग्रहन्थमा उल्लेखित एउटा प्रशंगको चर्चा गर्दै प्रतिउत्तर दिएकी थिइन । तत्पश्चात नेतृ शर्माले इस्लाम धर्मको अपमान गरेको भन्दै भारतका विभिन्न ठाउँहरुमा तोडफोड सुरु भएको उल्लेख गरिएको छ । गत शुक्रबार वीरगंज सहित नेपालगंज, नवलपरासी, लगायतका स्थानहरुमा पनि नेतृ शर्माको विरोधमा मुस्लिम समुदायले प्रदर्शन गरेको थियो । त्यसको भोली पल्ट हिन्दु परिषदले पनि वीरगंजमा नेतृ शर्माको समर्थनमा प्रदर्शन गर्नुको साथै ¥याली निकालेको थियो ।
अब फेरी अगामी शुक्रबार मुस्लिम समुदायले पुनः वीरगंजमा प्रदर्शन गर्ने तयारी गरेका छन् । शुक्रबार नेमाज पढी सकेपछि वीरगंजमा भव्य प्रदर्शन गर्ने मुस्लिम समुदायका अगुवाहरुले तयारी गरेको बुझिएको छ । विरोध प्रदर्शनको नाममा हुने उग्र पर्दशनका कारण धार्मिक सहिष्णुता फैलन सकिने सम्भावनालाई मध्यनजर गर्दै त्यस्ता गतिविधि रोकन पर्सा प्रशासन प्रयास समेत थालेको छ । सोही क्रममा ज्ञापन पत्र बुझाउन पुगेका हिन्दुवादी अगुवाहरुसंग पर्साका प्रमुख जिल्ला अधिकारी ढकालले छलफल समेत गरेका छन् ।
हिन्दु परिषदले ज्ञापन पत्र मार्फत नेपालको एकता, अखण्डता, शान्ति सुरक्षा एवं अमनचयनमा खलल पु¥याउन इस्लामिक जिहादी आतंकवादी संगठनहरुले नेपालको भूमि प्रयोग गर्न सक्ने र पुरानो इतिहास दोहोर्याउने सक्ने प्रबल सम्भावनालाई मध्यनजर गर्दै विशेष निगरानी गर्न समेत नेपाल सरकारलाई ध्यानकर्षण गराएको छ ।
प्रतिक्रिया दिनुहोस् !