वीरगन्ज (पर्सा), १९ जेठ / नेपाल आयल निगमले पेट्रोलियम पदार्थको मूल्य घटाएको छ। बिहीबार बसेको सञ्चालक समितिको बैठकले पेट्रोल, डिजेल र मट्टितेलको मूल्य घटाउने निर्णय गरेको हो।
निगमका प्रवक्ता विनितमणि उपाध्यायका अनुसार पेट्रोल, डिजेल र मट्टितेलमा १० रुपैयाँका दरले मूल्य घटाएको हो। सरकारले पेट्रोलियम पदार्थमा भएको कर घटाएपछि आयल निगमले मूल्य समायोजन गरेको हो।
पछिल्लो निर्णयअनुसार पेट्रोलको मूल्य १८०, डिजेल र मट्टितेलको मूल्य १६३ कायम भएको थियो। आज राति १२ बजेदेखि पेट्रोलको मूल्य १७० रुपैयाँ र डिजेल र पेट्रोलको मूल्य १५३ रुपैँया कायम हुनेछ।
प्रतिक्रिया दिनुहोस् !