वीरगन्ज (पर्सा), १६ जेठ / पर्साको बिन्दवासिनी गाउँपालिका वडा नं. ३ मा रहेको श्री रामपृत रामस्वरुप माध्यमिक विद्यालय झौवागुठीमा दुई कोठे भवन निर्माणको आज एक भव्य समारोहका बीच शिलान्यास भएको छ ।
मधेश प्रदेश सरकारको समाजिक बिकास मन्त्रालयको ३० लाखको लागतमा निर्माण हुन लागेको भवनको प्रमुख अतिथी प्रदेश सभा सदस्य प्रहलाद गिरिले शिलान्यास गरेका हुन् ।
शिलान्यास कार्यक्रममा बिन्दवासिनी गाउँपालिकाका नवनिर्वाचित अध्यक्ष प्रमोद तिवरीले विद्यालयलाई २५ थान कम्युटर सहयोग गर्ने प्रतिबद्धता जनाउनु भयो । नवनिर्वाचित गाउँपालिका अध्यक्ष तिवरीले शिक्षालाई उच्च प्रथमिकता दिदै कम्युटर ल्याबको लागि कम्प्युटर सहयोग गर्ने वताए ।
सो अवसरमा अध्यक्ष तिवारीले पालिकाको लगानीमा एम्बुलेन्स सेवा निशुल्क गर्ने घोषण समेत गर्नु भएको थियो । सो अवसरमा स्थानिय बुद्धिजिवि, समाजसेवी, शिक्षक, प्रहरी, सञ्चारकर्मी लगायतको सहभागीता रहेको थियो ।
प्रतिक्रिया दिनुहोस् !