• हरिशंकर शर्मा
बीरगंज, १ जेठ । बीरगंज महानगरपालिकाको मतगणनाको क्रममा सदर भन्दा बदर मत बढि देखिएको छ । महानगरको ३५७९ मतगणना गर्दा उपमेयरमा ५२ प्रतिशत मत बदर भएको देखिन्छ भने ४८ प्रतिशत मत सदर भएको देखिन्छ। महानगरपालिकाको वडा नं १,२,३१ र ३२ को ३५७९ मतगणना गर्दा उपमेयरमा १८७३ वटा मत बदर भएको मुख्य निर्वाचन कार्यालय बीरगंजले जनाएको छ । यि ४ वटा वडाको ३५७९ मतगणनामा उपमेयरमा १७०६ वटा मत सदर भएको छ भने १८७३ वटा मत बदर भएको छ ।
वडा नं १ को उपप्रमुख पदमा २३ वटा मत सदर भएको छ भने १२३ वटा मत बदर भएको छ । वडा नं २ को उपमेयरमा ४३८ वटा मत सदर भएको छ भने २६३ वटा मत बदर भएको छ । वडा नं ३१ को उपमेयरमा ६५२ वटा मत सदर भएको छ भने ६९९ वटा मत बदर भएको छ । वडा नं ३२ को उपमेयरमा ५९३ वटा मत सदर भएको छ भने ७८८ वटा मत बदर भएको छ । यसरी समग्रमा हेर्दा वडा नं १, ३१ र ३२ मा उपमेयर पदमा सदर भन्दा बदर मत बढि देखिएको छ ।
त्यसैगरि यही ४ वटा वडाको मतगणनामा मेयर पदमा २६ प्रतिशत मत बदर भएको देखिन्छ । ३५७९ मतगणना गर्दा मेयर पदमा ९३१ वटा मत बदर भएको छ । वडा नं १ मा मेयर पदमा १०० मत सदर भएको छ भने ४६ मत बदर भएको छ । वडा नं २ मा ५५१ मत सदर भएको छ भने १५० मत बदर भएको छ । यसरी नै वडा नं ३१ मा १०६५ मत सदर भएको छ भने २८६ मत बदर भएको छ । वडा नं ३२ मा ९३२ मत सदर भएको छ भने ४४९ मत बदर भएको छ । यसरी समग्रमा हेर्दा उपमेयर पदमा बदर मत बढि देखिएको छ भने मेयरमा पनि २६ प्रतिशत मत बदर भएको छ ।
निर्वाचन अघि मतदाता शिक्षा संचालन नगरेको कारण र पार्टीबीच भएको गठबन्धनको कारण पनि मतदाताहरु अन्योलमा परेकोले पनि बदर मतको संख्या बढेको बताइएको छ । बीरगंज महानगरको ३२ वटै वडामा १ लाख २४ हजार ६ सय ४७ मतदाता छ्न भने ९४ हजार ३ सय २४ मत खसेको छ, जसमा ३५७९ मतगणना गर्दा उपमेयरमा ५२ प्रतिशत र मेयरमा २६ प्रतिशत मत बदर भएको छ ।
प्रतिक्रिया दिनुहोस् !