वीरगन्ज, २४ वैशाख / वीरगन्ज स्थित कारागारको सहयोग तथा ‘पहल’ नामक संस्था वीरगन्जको आयोजनामा रक्तदान कार्यक्रम सम्पन्न भएको छ । वीरगन्ज स्थित कारागारको हाताभित्र आयोजित रक्तदान कार्यक्रममा २ जना महिला सहित २ सय ४६ जनाले रक्तदान गरेका छन् । पहल सँस्थाका अध्यक्ष दिलिपराज कार्की र कारागारका जेलर कृष्ण गैरेले रगत दान गरि संयुक्त रुपमा उद्घाटन गरेको सो कार्यक्रममा कारागारभित्र रहेका कैदीहरुमध्ये २ सय ४६ जनाले रगत दान गरेका थिए ।
दिन प्रतिदिन बढ्दै गएको गर्मीको बखत अस्पतालमा रगतको अभावलाई मध्यनजर गर्दै रक्तदान कार्यक्रमको आयोजना गरिएको आयोजक सँस्थाका अध्यक्ष दिलिपराज कार्कीले जानकारी दिएका छन् । विगतमा पनि रगतको अभाव हुँदा कारागारमा रक्तदानको आयोजना गरि पहिलो पटक ३ सय १५ र ३ सय ६६ पाउण्ड रगत रक्तसञ्चार केन्द्रलाई हस्तान्तरण गरिएको कार्कीको भनाई छ ।
वीरगन्ज स्थित रक्तसञ्चार केन्द्रका इन्चार्ज सौरभ पाण्डेको सहयोगमा आयोजि रक्तदान कार्यक्रममा पर्साका प्रमुख जिल्ला अधिकारी उमेश कुमार ढकाल, सहायक प्रमुख जिल्ला अधिकारी भीमकान्त पौडेल, पर्साका प्रहरी उपरीक्षक रमेश बस्नेत, सशस्त्र प्रहरी उपरीक्षक तेज प्रसाद पोखरेल, श्री जंग गण वीरगन्जका प्रमुख कर्णेल जयराम थापा, प्रहरी नायब उपरीक्षक प्रह्लाद कार्की, सामाजिक अभियन्ता प्रकाश थारु लगायतको उपस्थिति रहेको थियो ।
यसैगरि पहिलो पाइना वीरगन्ज शाखाले पनि आकस्मिक रक्तदान कार्यक्रमको आयोजना गरेको छ । सँस्थाका अध्यक्ष निश्चल प्रजापतिको सभापतित्वमा आयोजित कार्यक्रममा २ जना महिला सहित ३६ जना रगत दान गरेका थिए ।
रक्तदान गर्नेहरुमा स्नेहा साह, लक्ष्मी गुप्ता, निस्चल प्रजापति, मुस्कान अग्रवाल, बिबेक ठाकुर, सुनिल यादव, दिपेस कर्ण, सुरज साह कानु, रामचन्द्र श्रेष्ठ, राजेस दुबे, सैलेन्द्र चौरासीया, सुसिम अधिकारी लगायत रहेका छन् । प्रमुख अतिथि नेपाल रेडक्रस सोसाइटी पर्सा कार्यसमिति सदस्य नवनित अग्रवाल रहेका थिए भने बिशिष्ट अतिथि प्रमुख जिल्ला अधिकारी उमेश प्रसाद ढकालले रक्तदान गर्ने रक्तदातालाई कदरपत्र प्रदान गर्दै शुभकामना दिएका थिए ।
कार्यक्रममा रक्तसञ्चार केन्द्रका प्राबिधिक सहायक जितेन्द्र कुशवाहाको टोलिले प्राबिधिक सहयोग गरेका थिए ।
प्रतिक्रिया दिनुहोस् !