• मुस्कान श्रेष्ठ
वीरगन्ज, २८ चैत / वीरगन्ज स्थित भारतीय महावाणिज्य दुतावासका कन्सुलर दुत शैलेन्द्र कुमारले सम्पूर्ण बालबालिकाहरुसम्म शिक्षाको पहुँच हुनुपर्ने कुरामा जोड दिए । गरिब तथा विपन्न वर्गका बालबालिकाहरुको लागि सञ्चालित ‘भी केयर’ विद्यायलको तेश्रो वार्षिकोत्सव कार्यक्रमलाई सम्बोधन गर्दै प्रमुख अतिथि कन्सुलर शैलेन्द्र कुमारले बालबालिकाहरु देशको भविष्यको कर्णधार भएकोले उनीहरु शिक्षित भए सम्पूर्ण समाज नै शिक्षित हुने भएकोले कसैले पनि शिक्षाबाट बञ्चित नहुनुपर्ने बताए ।
वीरगन्जको आदर्शनगर स्थित जैन भवनमा आयोजित कार्यक्रममा बोल्दै कन्सुलर शैलेन्द्र कुमारले पैसा अभावको कारण गरिब, विपन्न परिवारका बालबालिकाहरु शिक्षाबाट बञ्चित हुनुपर्ने अवस्था अहिलेपनि कायमै छ, खास गरेर ग्रामीण क्षेत्रका बालबालिकाहरु शिक्षाको पहुँचबाट टाँढा रहेको हुनाले त्यस्ता बालबालिकाहरुलाई पनि शिक्षाको पहुँचसम्म पु¥याउन सम्पूर्णको योगदान आवश्यक रहेको बताए । उनले हरेक बालबालिकाको अधिकार भएको हुँदा गरिब, विपन्न परिवारका बालबालिकाहरुलाई शिक्षा आर्जनका लागि ‘भी केयर’ विद्यालयले गरिब तथा विपन्न वर्गका बालबालिकाहरुलाई शिक्षाको पहुँच पुर्याएको भन्दै प्रशंसा गरे । उनले बालबालिकाहरु भविष्यको कर्णधार भएकोले उनीहरु शिक्षित भए समाज र देश शिक्षित हुने भएकोले सम्पूर्ण बालबालिकाहरु शिक्षाको पहुँचमा हुनुपर्ने कुरामा जोड दिए ।
अहिलेपनि ग्रामीण भेगमा अवलोकन गर्दा गरिब विपन्न परिवारका बालबालिकाहरु विद्यालय जानु भन्दा पनि अनावश्यक रुपमा सडकमा समय विताई रहेको तथा घरायसी काममा व्यस्त देखिनु भोलिका दिनमा मुलुकै लागि समस्या हुने भएकोले यस्तो अवस्थालाई अन्त्य गर्न सरकारको गम्भिर ध्यानाकर्षण हुनु आवश्यक रहेको बताए । गरिब, विपन्न परिवारका बालबालिकाहरुलाई शिक्षा आर्जनका निम्ति सरकारले जिल्लादेखि स्थानीय स्तरसम्म विद्यालय संचालन गरेको छ, तर ति विद्यालयहरुलाई वेवारिसे अवस्थामा छाड्ने गरेको कारण पनि त्यसमा अध्ययनरन बालबालिकाहरु गुणस्तरीय शिक्षा प्राप्त गर्न नसकेको र भविष्यमा भौतारिनुपर्ने अवस्था सृजना हुने गरेको बताए ।
भविष्यमा यस्ता समस्याहरु सृजना हुन नदिनका लागि अहिलेदेखि नै सम्पूर्ण बालबालिकाहरुलाई विद्यालयको पहुँचसम्म पु¥याउन आवश्यक रहेको बताए ।
यस्तै विद्यालयकी सहायक प्रधानाध्यापक नुतन सरावगीले अन्य बालबालिका जस्तै पनि गरिब परिवारका छोरा छोरीहरु शिक्षा आर्जन गर्न सकोस् भन्ने उद्देश्यले नै यस विद्यालयको स्थापना गरिएको बताइन् । उनले विद्यालय सञ्चालनमा आफू लगायत समाजमा रहेका सहयोगी हातहरुको महत्वपूर्ण योगदान रहेको बताउँदै स्थानीय सरकारबाट कुनै सहयोग प्राप्त नभएको गुनासो पोखिन् । शिक्षा बालबालिकाको अधिकार भएको हुनाले पालिकाका प्रत्येक बालबालिकालाई शिक्षामा पहुँच पुर्याउन स्थानीय सरकार गम्भिर रुपमा लाग्नुपर्ने बताइन् ।
कामाक्षी गुप्ता र बन्सिका अग्रवालले सम्युक्त रुपमा सहजीकरण गरेको कार्यक्रममा विभिन्न विद्यालयका संचालक, प्रधानाध्यापकहरु शिव गुप्ता, मिनाक्षी गुप्ता, नेहा अग्रवाल, सोमाना बेनर्जी लगायत विद्यालयका शिक्षक शिक्षिका तथा विद्यार्थीहरुको उल्लेख्य उपस्थिति रहेको थियो । कार्यक्रममा विद्यालयका विद्यार्थीहरुले आआफ्नो कला प्रस्तुत गरेका थिए ।
प्रतिक्रिया दिनुहोस् !