वीरगन्ज, २७ चैत / नेपाली कांग्रेसबाट पर्साको कालिकामाई गाउँपालिकाको अध्यक्षमा अजय पटेल र उपाध्यक्षमा कुन्ती देवी साह चुनाव लड्ने भएका छन् । गाउँपालिका अध्यक्षका उम्मेदवार अजय स्व. नेता राजेन्द्र प्रसाद कुर्मीका छोरा हुन् भने उपाध्यक्षकी उम्मेदवार कुन्ती कांग्रेस कालिकामाई गाउँपालिका सभापति छठु साहकी श्रीमती हुन् । गत बर्षको निर्वाचनमा कांग्रेसबाट गाउँपालिका अध्यक्षमा अजयका बुवा स्व. राजेन्द्र र उपाध्यक्षमा कुन्ती नै चुनाव लडेका थिए ।नेताहरुका अनुसार कालिकामाई गाउँपालिका अध्यक्षमा अजय र उपाध्यक्षमा कुन्तीले टिकट पाउने छन् ।
केही व्यक्तिहरुले जसपाबाट गाउँपालिका उपाध्यक्षको टिकट पाउने नसकेका एक ब्यक्तिलाई कांग्रेसमा ल्याएर टिकट दिलाउने योजनाबद्ध तरिकाले कसरत गरिरहे पनि त्यो सम्भव नहुने नेतारुले वताएका छन् । यस अघि पनि गाउँपालिका अध्यक्षको टिकट अन्य एक व्यक्तिलाई पार्टीमा ल्याएर दिलाउने प्रयास गरेपनि त्यो प्रयास असफल भएको थियो । अहिले आएर त्यो व्यक्तिलाई कुनै पार्टीले टिकट दिने नभएपछि स्वतन्त्र भएपनि वडाध्यक्षमा चुनाव लडने तयारी गरिरहेका छन् ।
यसैगरी कालिकामाई गाउँपालिकाको वडा नं. ४ प्रशुरामपुरका वडाध्यक्षका उम्मेदवार संजय साह गोढ र वडा नं. ५ बिरन्चीबर्वाका वडाध्यक्षका उम्देवार माधो चौहान हुने टुंगो लागे पनि अन्य वडाको लाग्न सकेको छैन् । बैशाख ३० गते हुने निर्वाचनको मनोनयन दर्ता १४ दिन मात्र बाकी रहदा पनि सबभन्दा बढी वडा नं. १ मुडलीमा वडाध्यक्षको आकांक्षी धेरै भएका कारण उम्मेदवार छनौट गर्न सकस देखिएको छ । वडा नं. १ का वडाध्यक्षका उम्मेदवारका आकांक्षी कार्यवाहक वडाध्यक्ष रामशिष यादव, रजाक मियाँ, रामविश्वास चौहान, नेजामुदिन मियाँ, महन्थ पटेल, प्रभु साह र कमल पटेल रहेका छन् ।
त्यसैगरी वडा नं. २ मा वडाध्यक्षका उम्मेदवार हुने आकांक्षीमा रामराज चौरसिया, मोनहर साह र अर्जुन राम रहेका छन् । वडाध्यक्षका उम्मेदवारका आकांक्षी मध्येका मोनहर गत बर्षको निर्वाचनमा कांग्रेसबाटै वडाध्यक्षमा चुनाव लडेका स्व. रामाधार साह तेलीका छोरा हुन् । यसैगरी वडा नं. ३ को वडाध्यक्षका उम्मेदवारका आकांक्षी रामबहादुर साह गोढ, रामशिष चौरसिया र फरिन्द्र पटेल रहेका छन् ।
प्रतिक्रिया दिनुहोस् !