सशस्त्र प्रहरीद्वारा दुई नाले बन्दुक सहित तीनजना पक्राउ

वीरगन्ज, २४ चैत / सशस्त्र प्रहरीले पर्साको विन्दवासिनी गाउँपालिका वडा नं. ३ नहर स्थित नहर चोकमा सबैठवाबाट दुईनाले बन्दुक सहित तीन जनालाई पक्राउ गरेको छ । पक्राउ पर्नेमा पर्सागढी नगरपालिका वडा नं. ५ बस्ने ४१ वर्षीय प्रेम ठाकुर, सोही ठाउँ बस्ने १६ वर्षीय राहुल ठाकुर र ५५ वर्षीय रामजी ठाकुर रहेका छन् ।
शुक्रबार विहान अन्दाजी ९ बजेको समयमा ना. ५७ प ३६२८ नम्बरको टिभिएस आपाची मोटरसाइकलमा सवार भई पर्सागढी तर्फ गइरहेको अवस्थामा सशस्त्र प्रहरीले चेकजाँच गर्दा तिनीहरुको साथबाट ९६६१÷डि÷बि वाई – २००२ नम्बरको सुपर क्वालिटि लंङ्ग रेन्जको दुईनाले बन्दुक र सोमा प्रयोग हुने कार्टेज १ थान बरामद भएको थियो ।
बरामद भएको हतियार सहित तिनै जनालाई मोटरसाइकल सहित आवश्यक कारवाहीको लागि जिल्ला प्रहरी कार्यालय पर्सामा पठाएको सशस्त्र प्रहरी बल १३ नम्बर गण हेडक्वाटर पर्सा कार्यालयले जनाएको छ ।