लन्डन (युके) / बेलायतले युक्रेनलाई दुई मिलियन पाउण्डको अत्यावश्यक खाद्यान्न सहयोग गर्न लागेको बेलायतको विदेश मन्त्रालयले शनिबार एक विज्ञप्तिमार्फत जनाएको छ । “बेलायतले रुसी सेनाले घेरिएको युक्रेनका द्वन्द्वग्रस्त क्षेत्रका लागि अत्यावश्यक खाद्यान्न आपूर्तिका लागि दुई मिलियन उपलब्ध गराउने तयारी गरेको विदेशमन्त्री ट्रसले जनाउनुभएको छ । मन्त्रालयका अनुसार हाल युक्रेनमा १२ मिलियनभन्दा बढी मानिसलाई मानवीय सहायताको खाँचो देखिएको छ यो वास्तविक संख्या अझ बढी हुन सक्छ ।
“पोल्याण्ड र स्लोभाकियाका गोदाम अर्को हप्ताको शुरुदेखि युक्रेन सरकारलाई यी सामान आपूर्ति गर्न तयार छन् । त्यसपछि लगभग २५ट्रक लोडहरू सडक र रेलमार्फत स्थानीय युक्रेनी समुदायमा ढुवानी गरिनेछ ।” विज्ञप्तिमा जनाइएको छ । गत फेब्रुअरी २४ माडोनेट्स्क र लुहान्स्कका टुक्रिएका गणतन्त्रले युक्रेनी उत्तेजना विरुद्ध आफूलाई बचाउन मद्दतको लागि अपील गरेपछि रुसले युक्रेनमा सैन्य कारबाही शुरु गरेको हो । रुसको कारवाहीको जवाफमा पश्चिमी देशले मस्को विरुद्ध व्यापक प्रतिबन्ध अभियान चलाएका छन् । (रासस(एएनआई)
प्रतिक्रिया दिनुहोस् !