नव निर्मित भवनको उद्घाटन तथा निर्माण हुन लागेको भवनको शिलन्यास

मुस्कान श्रेष्ठ
वीरगन्ज / वीरगन्ज पब्लिक कलेजको नव निर्मित भवनको उद्घाटन तथा निर्माण हुन लागेको भवनको शिलन्यास गरिएको छ । मधेश प्रदेशकै उत्कृष्ट कलेजको रुपमा स्थापित वीरगन्ज पब्लिक कलेजको नवनिर्मित भवन ब्लक ‘बि’ को शुक्रबार पूर्वाञ्चल विश्व विद्यालयका उपकुलपति प्राध्यापक डा. यादवराज कोइरालाले एक कार्यक्रमबीच उद्घाटन गरेका हुन् ।

यसैगरि डा. कोइरालाले नवनिर्मित भवनको पछाडिपट्टि निर्माण हुन लागेको अर्काे भवनको भूमिपूजन समेत गरेका छन् । उद्घाटन कार्यक्रममा कलेजका निर्देशक प्राध्यापक डा. दिपक शाक्य, पर्साका सहायक प्रमुख जिल्ला अधिकारी भीमकान्त पौडेल, पर्साका प्रहरी उपरीक्षक रमेश बस्नेत, सशस्त्र प्रहरी उपरीक्षक तेज प्रसाद पोखरेल, मधु राणा, पशुपति विक्रम शाह, उषा शाह, कमल चौगाई, कलेजका शिक्षक, शिक्षीका, विधार्थी लगायत संचारकर्मीहरुको उपस्थिति रहेको थियो ।