वीरगन्ज (पर्सा), १ चैत / पर्साको पकहामैनपुर गाउँपालिकामा संचालित निःशुल्क लोक सेवा आयोग तयारी कक्षा सम्पन्न भएको छ । पकहामैनपुर गाउँपालिकाको वडा नं. ३ स्थित श्री राम चरित्र भगत माध्यमिक विद्यालय पकहामैनपुरमा संचालित एक महिने लोक सेवा तयारी कक्षा सम्पन्न भएको हो ।
जिराभवानी गाउँपालिकाका प्रमुख प्रशासकिय अधिकृत प्राण मेहता र स्थानिय दिनदयाल कुशवाहाको आयोजनामा संचालन गरिएको उक्त लोकसेवा तयारी कक्षामा एक सय ५० जना विद्यार्थीहरु अध्ययन गरेका छन् । एचिभर्स इन्सिटच्युट वीरगंजको प्राविधिक सहयोगमा संचालन गरिएको कक्षामा पकहामैनपुर गाउँपालिकाको साथै बिन्दवासिनी गाउँपालिका र कालिकामाई गाउँपालिकाका विद्यार्थीहरु लभान्वित भएका छन् ।
आर्थिक अभावमा लोक सेवा तयारी गर्न नसकेका गरिब, विपन्न परिवारका विद्यार्थीहरुको लागि निशुल्क लोक सेवा कक्षा संचालन गरिएको आयोजक प्राण मेहताले वताए । उनले आर्थिक अवस्था कमजोर भएका विद्यार्थीहरुको समस्यालाई ध्यानमा राखि समाजिक दायित्व बहन गर्दै स्थानिय भएका नताले निशुल्क लोक सेवा आयोग तयारी कक्षा संचालन गरिएको वताए ।
कक्षामा सहभागी विद्यार्थीहरुलाई निशुल्क रुपमा लोक सेवा आयोगको किताब र काँपीहरु पनि वितरण गरिएको मेहताले जानकारी दिए ।
प्रतिक्रिया दिनुहोस् !