पर्सागढीमा नव निर्मित स्वास्थ्य चौकीको उद्घाटन

वीरगन्ज (पर्सा), १ चैत / पर्सागढी नगरपालिका वडा नं. १ र ३ मा आधारभुत स्वास्थ्य चौकीको स्थापना गरिएको छ । वडा नं. १ बिरुवा चौकमा स्थापना भएको आधारभूत स्वास्थ्य चौकीको सोमबार नगर प्रमुख लोकनारायण यादबले उद्घाटन गरेका हुन् ।
नगरपालिकाकाले स्थापना गरेको स्वास्थ्य चौकीमा गर्भवती महिलाहरुले चार पटक सम्म चेकजाँच गराउँदा यातायात खर्च समेत दिने ब्यवस्था गरिएको छ । वडाध्यक्ष उद्धव बहादुर उप्रेतीको अध्यक्षतामा भएको उद्घाटन कार्यक्रममा नगर उप प्रमुख अर्चना चौधरी लगायतको उपस्थिति रहेको थियो ।
त्यसै गरी वडा नं. १ मा पनि स्थापना भएको आधारभूत स्वास्थ्य चौकीको सोमबार नै उद्घाटन गरीएको छ । वडा नं. १ का वडाध्यक्ष तुलाराम महतोको अध्यक्षता भएको उद्घाटन कार्यक्रममा नेपाली काँग्रेस पर्सागढीका नगर संयोजक बिशमोहन दास थारू, उप सभापति अच्छेलाल प्रसाद यादव, नगरपालिकाका प्रमुख प्रशासकीय अधिकृत भरत प्रसाद यादव लगायतकाले मन्तव्य राखेका थिए ।