वीरगन्ज । ११२ औँ अन्तराष्ट्रिय श्रमिक महिला दिवसको अवसरमा वीरगंज कारगारका महिला कैदिबन्दीहरुको स्वास्थ्य परीक्षण गरिएको छ ।
वीरगंज युवा समाजले आयोजना गरिएको स्वास्थ्य शिविर कार्यक्रममा ६४ जना महिला कैदिबन्दीहरुको स्वास्थ्य परीक्षण गरिएको हो । शिविरमा नारायणी अस्पतालकी प्रसुति रोग विशेषज्ञ डा. दिप्ति यादव र प्रिती यादव नेतृत्वको स्वास्थ्यकर्मीको टोलीले महिलाहरुको स्वास्थ्य परीक्षण गर्नुका साथै निःशूल्क औषधी तथा स्यानिटेरी प्याड वितरण गरको थियो ।
कारगारमा रहेका महिलाहरुको स्वास्थ्यप्रति कसैको चासो नभएको दिवसको अवसरका स्वास्थ्य परीक्षण कार्यक्रमको आयोजना गरिएको युवा समाजका अध्यक्ष कमल चौगाईले बताएका छन् । उनले आन्तराष्ट्रिय नारी दिवस मनाउने अधिकार अन्य महिला जस्तै कारगारमा रहेका महिलाहरुको पनि भएको बताए । पर्साका प्रमुख जिल्ला अधिकारी उमेश कुमार ढकालले कारगारमा रहेका महिलाहरुको स्वास्थ्यप्रति चिन्तन गरेर आयोजना गरिएको स्वास्थ्य शिविरको कार्य निकै सहरानिय रहेको बताएका छन् । उनले ¥याली तथा सम्मान मात्रै नभई समाजमा यस्ता फरक किसिमका कार्यक्रमहरुको पनि आवश्यकता रहेको बताए ।
शिविरमा जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेत, सशस्त्र प्रहरी उपरीक्षक तेज प्रकाश पोखरेल, वीरगञ्ज नर्सिंग क्याम्पसकी प्रमुख सूर्या कोइराला, समाजसेवी एवम् पुर्न जन्म नेपालका प्रमुख कार्यकारी अधिकृत अजितम पाण्डे लगायतको उपस्थिती रहेको थियो ।
प्रतिक्रिया दिनुहोस् !