कोल्हभी (बारा), ९ असोज । बाराको कोल्हबीमा टिभी चलाउने क्रममा करेन्ट लागेर १० वर्षीय एक बालकको मृत्यु भएको छ, भने अन्य चार जना घाइते भएका छन् ।
कोल्हबी नगरपालिका–३ जुगुवाका बालक आकाश रामलाई विद्युतको तार सर्ट भएर करेन्ट लागेको हो । गम्भीर घाइते बालकलाई उपचारका लागि अस्पताल लगिए पनि चिकित्सकले मृत घोषणा गरेका थिए । बालकलाई करेन्टबाट छुटाउन खोज्दा उनका हजुरआमा र दिदीसहित स्थानीय दुई जना घाइते भएका छन् ।
घाइते हुनेहरूमा एतबरिया राम, निलम राम, फुलकुमारी राम र अनिता शर्मा रहेका जिल्ला प्रहरी कार्यालय बाराका प्रवक्ता, प्रहरी नायब उपरीक्षक मिनबहादुर घलेले जानकारी दिए । घाइते सबैको कोल्हबीस्थित तामागढी अस्पतालमा उपचार भइरहेको छ । 
प्रतिक्रिया दिनुहोस् !