वीरगंज (पर्सा), ९ भदौ । लिटल बडी प्रि-स्कुलले आफ्ना सम्पूर्ण विद्यार्थीहरूको सुरक्षा तथा कल्याणलाई ध्यानमा राख्दै नेको इन्स्योरेन्स लिमिटेडसँग सहकार्य गरी २४सै घण्टा लागू हुने दुर्घटना बीमा गराएको छ । बीमा योजनाअन्तर्गत विद्यार्थीहरूले रु. १ लाखसम्मको दुर्घटना बीमा सुविधा प्राप्त गर्नेछन् । उक्त बीमा सुविधा विद्यालयमा अध्ययनरत समयमा मात्र नभई घर वा अन्य कुनै स्थानमा रहेका बेला समेत २४सै घण्टा लागू हुने जनाइएको छ । बीमा दाबी तथा सुविधा सम्बन्धित कम्पनीका नियम तथा सर्तअनुसार हुनेछ ।
बीमा योजनासम्बन्धी पोलिसी २४ अगस्ट २०२६ मा लिटल बडी प्रिस्कुलका निर्देशक/प्रिन्सिपल श्री विजय कुमार बल र नेको इन्स्योरेन्स लिमिटेडका जुनियर असिस्टेन्ट नितेश श्रेष्ठबीच औपचारिक रूपमा आदान–प्रदान गरिएको हो । विद्यालयले विद्यार्थीहरूलाई गुणस्तरीय शिक्षा प्रदान गर्नुका साथै उनीहरूको सुरक्षा, संरक्षण र समग्र कल्याणलाई प्राथमिकता दिँदै आएको जनाएको छ । विद्यार्थीहरूको आकस्मिक जोखिमका समयमा अभिभावकलाई आर्थिक तथा मानसिक रूपमा केही राहत पुगोस् भन्ने उद्देश्यले दुर्घटना बीमाको व्यवस्था गरिएको विद्यालयले जनाएको छ ।
विद्यालय प्रशासनका अनुसार बालबालिकाको सुरक्षित वातावरणमा सिकाइ तथा विकास सुनिश्चित गर्नु विद्यालयको प्रमुख जिम्मेवारी भएकाले यस्ता सुरक्षामूलक पहललाई आगामी दिनमा समेत निरन्तरता दिइनेछ । लिटल बडी प्रिस्कुलको यो पहलले विद्यार्थीको सुरक्षा र अभिभावकको विश्वासलाई थप मजबुत बनाउने अपेक्षा गरिएको छ ।
प्रतिक्रिया दिनुहोस् !