गौर (रौतहट), २३ असार । रौतहटको सदरमुकाम गौरस्थित एक होटलमा २१ वर्षीया युवतीमाथि सामूहिक बलात्कार गरेको आरोपमा एक नेपाली र चार जना भारतीय नागरिक पक्राउ परेका छन् । यही असार २१ गते दिउसो १ बजेको समयमा गौरस्थित सुस्मा प्यालेस होटलमा पीडित युवतीमाथी जवरजस्ती करणी गरेको आरोपमा पाँच जनालाई नियन्त्रणमा लिइएको जिल्ला प्रहरी कार्यालय रौतहटले जनाएको छ ।
पक्राउ परेकाहरूमा गौर नगरपालिका २ निवासी २५ वर्षीय सन्तोष राउत, भारतको बिहार राज्य मुजफ्फरपुर जिल्ला कल्याणी पञ्चायत २४ निवासी ३३ वर्षीय मोहम्मद ताजुदिन, मैरोवन पञ्चायत–२ निवासी ३७ वर्षीय जितेन्द्र कुमार, बकटपुर पञ्चायत–१ निवासी ३८ वर्षीय हसनैन आलम र करमवा पञ्चायत–४ निवासी ३४ वर्षीय आलोक कुमार रहेका प्रहरीले जनाएको छ ।
पक्राउ परेका अभियुक्तहरु माथी जबरजस्ती करणी तथा करणी उद्योगसम्बन्धी कसुरमा आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ । 
प्रतिक्रिया दिनुहोस् !