बरियारपट्टि (सिरहा), २९ वैशाख । सिरहाको बरियारपट्टीमा हात, खुट्टा काटेर, जलाएर फालिएको अवस्थमा ३ वर्षीय बालकको शव फेला परेको छ । स्थानीय बालक अभियान्स यादवको विभत्स हत्या गरेको सव पोखरीमा फेला परेको इलाका प्रहरी कार्यालय लक्ष्मीपुरले जनाएको हो ।
लक्ष्मीपुर पतारी गाउँपालिका–३, लबटोली निवासी भोगेन्द्र प्रसाद यादवका ३ वर्षीय छोरा अभियान्स यादव यही वैशाख २६ गते दिउँसो आफ्नी आमा अमृती यादवसँग बरियारपट्टी –४ सोहपुर गएका बेला हराएका थिए । हराएको दुई दिन पछि पोखरीमा शव फेला परेको हो । आफन्तजनले दिनभरी खोजतलास गर्दा पनि बलक फेला नपरेपछि इलाका प्रहरी कार्यालय बरियारपट्टीमा जानकारी गराइएको थियो ।
बालकका आमा–बुबाबीच विगत तीन वर्षदेखि पारिवारिक विवाद रहँदै आएको थियो । बुबा वैदेशिक रोजगारीमा रहेका तथा आमा माइतीमै बस्दै आएकी थिइन् । निर्दोष बालकमाथि भएकोे क्रूर घटनाले गाउँ शोकाकुल बनेको छ । घटनाबारे अनुसन्धान भइरहेको जिल्ला प्रहरी कार्यालय सिरहाले जनाएको छ । 
प्रतिक्रिया दिनुहोस् !