वीरगंज (पर्सा), २३ वैशाख । पर्साको ठोरीबाट चितवनको माडीतर्फ जाँदै गरेको यात्रुबाहक बसमा चेकजाँचका क्रममा प्रतिबन्धित लागू औषधसहित एक युवक पक्राउ परेका छन् ।
पक्राउ पर्नेमा चितवनको माडी नगरपालिका–८ का १९ वर्षीय विश्वास परियार रहेका छन् । सोमबार ठोरीबाट छुटेको बा.प्र. ३–००१ ख २६०४ नम्बरको बसलाई इलाका प्रहरी कार्यालय ठोरीबाट खटिएको टोलीले चौतारामा रोकेर जाँच गर्दा परियारको पाइन्टको खल्तीमा लुकाइ राखिएको ४७५ थान लेबोरोट क्याप्सुल फेला परेको थियो ।
प्रहरीले बरामद लागू औषधसहित परियारलाई नियन्त्रणमा लिएर उनीमाथि लागू औषधसम्बन्धी कसूरमा अनुसन्धान अघि बढाएको जिल्ला प्रहरी कार्यालय पर्साले जनाएको छ । 
प्रतिक्रिया दिनुहोस् !