वीरगंज (पर्सा), २१ वैशाख । पर्सा प्रहरीले विशेष सूचनाको आधारमा प्रहरीले जबरजस्ती करणी तथा कर्तव्य ज्यान मुद्दामा फरार रहेकी एक प्रतिवादीलाई पक्राउ गरेको छ । सोमबार बिहान करिब ८ बजेको समयमा वीर्ता चोक स्थित सडकखण्डमा संकास्पद रूपमा हिँडिरहेकी बेगम वि.क. लाई प्रहरीले नियन्त्रणमा लिइएको हो ।
जिल्ला सुर्खेत गुर्वाकोट नगरपालिका–२ निवासी २२ वर्षीया बेगम वि.क. ‘जेन्जी आन्दोलन’ का क्रममा बाल सुधार गृह पर्सा वीरगंज बाट फरार भएकी थिइन् । उनलाई जबरजस्ती करणी तथा कर्तव्य ज्यान मुद्दामा अदालतले ८ वर्ष कैद र रु ४ लाख जरिवाना तोकेको थियो ।
प्रहरीका अनुसार विशेष सूचनाको आधारमा खटिएको टोलीले उनलाई वीरगंजको विर्ता चोक क्षेत्रमा हिँडिरहेको अवस्थामा पहिचान गरी नियन्त्रणमा लिएको हो । पक्राउपछि उनलाई सोही दिन पुनः बाल सुधार गृह वीरगंजमा पठाइएको जिल्ला प्रहरी कार्यालय पर्साले जनाएको छ । प्रहरीले फरार प्रतिवादीहरूविरुद्ध खोजी कार्यलाई अझ तीव्र बनाइएको जनाएको छ । 
प्रतिक्रिया दिनुहोस् !