वीरगंज (पर्सा), ८ चैत । वीरगंजको बसपार्क क्षेत्रअन्तर्गत भानुचोकस्थित एक लजमा आइतबार बिहान एक दम्पती मृत अवस्थामा फेला परेका छन् । जिल्ला प्रहरी कार्यालय पर्साका अनुसार नवदुर्गा लजमा केही दिनदेखि बस्दै आएका भारतीय नागरिक दम्पती आफ्नै कोठाभित्र झुण्डिएको अवस्थामा भेटिएका हुन् ।
प्रारम्भिक जानकारीअनुसार करिब ४० वर्षका पुरुष र ३५ वर्षीया महिलालाई कोठाभित्र शंकास्पद अवस्थामा देखेपछि लज सञ्चालकले प्रहरीलाई खबर गरेका थिए । सूचना प्राप्त भएपछि घटनास्थल पुगेको प्रहरी टोलीले दुवै जनाको शव बरामद गरेको हो ।
हालसम्म मृतक दम्पतीको पहिचान खुल्न नसकेको प्रहरीले जनाएको छ । प्रहरी नायब उपरीक्षक हरि बहादुर बस्नेतका अनुसार शवलाई पोस्टमार्टमका लागि नारायणी अस्पतालमा पठाइएको छ । घटनाको कारणबारे स्पष्ट हुन नसकेकाले प्रहरीले थप अनुसन्धान जारी राखेको जनाएको छ ।
प्रतिक्रिया दिनुहोस् !