भक्तपुर, २२ फागुन । भक्तपुर निर्वाचन क्षेत्र नम्बर–२ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार राजीव खत्रीले उल्लेखनीय अग्रता बनाएका छन् । पछिल्लो मतपरिणाम अनुसार खत्रीले २१ हजार ४७२ मत प्राप्त गर्दै प्रतिस्पर्धामा स्पष्ट रूपमा अघि देखिएका छन् । उनका निकटतम प्रतिस्पर्धी नेकपा एमालेका उम्मेदवार महेश बस्नेत हाल ५ हजार ४४१ मतसहित दोस्रो स्थानमा छन् ।
त्यस्तै, नेपाली कांग्रेसका उम्मेदवार कविर राणा ४ हजार २६० मतसहित तेस्रो स्थानमा रहेका छन् । मतगणना जारी रहँदा खत्रीले सुरुवातदेखि नै अग्रता कायम राखेका छन् र अन्य प्रतिस्पर्धीभन्दा निकै मतान्तरले अघि देखिएका छन् । आगामी गणनाले अन्तिम नतिजा तय गर्ने भए पनि हालको अवस्थाले भक्तपुर–२ मा रास्वपाको बलियो उपस्थिति देखाएको छ ।
प्रतिक्रिया दिनुहोस् !