वीरगंज (पर्सा), १ फागुन । पर्सा निर्वाचन क्षेत्र नम्बर–४ बाट नेपाली कांग्रेसका प्रतिनिधिसभा सदस्य उम्मेदवार रमेश रिजालले आफ्नो चुनावी प्रचार अभियानलाई निरन्तरता दिँदै शुक्रबार कालिकामाई गाउँपालिका वडा नम्बर–४ कट्टीबलुवा तथा वडा नम्बर–३ हरिहरपुर बिर्ता क्षेत्रमा घरदैलो कार्यक्रम सम्पन्न गरेका छन् ।
घरदैलोका क्रममा रिजालले स्थानीय मतदातासँग प्रत्यक्ष भेटघाट गर्दै उनीहरूको समस्या, आवश्यकता र अपेक्षाबारे जानकारी लिएका थिए । उनले विकास, शिक्षा, स्वास्थ्य, रोजगारी र आधारभूत पूर्वाधार सुधारलाई प्राथमिकतामा राख्दै विभिन्न प्रतिबद्धता व्यक्त गरे । स्थानीय बासिन्दाले आफ्नो टोलमा उम्मेदवार रिजाललाई स्वागत गर्दै आगामी निर्वाचनमा सहयोग गर्ने विश्वास दिलाएका छन् । रिजालले जनताको साथ र समर्थनले आफूलाई थप उत्साहित बनाएको बताउँदै परिवर्तन र विकासका लागि मतदान गर्न आग्रह गरे ।
उनको घरदैलो अभियान आगामी दिनहरूमा क्षेत्रका अन्य वडाहरूमा पनि निरन्तर जारी रहने जनाइएको छ । कार्यक्रममा कांग्रेस पर्साका प्रवक्ता रमेश पाण्डे, सहसचिव नवीन सिंह, क्षेत्रीय सभापति श्रीकान्त प्रसाद यादव, नेता सहरुम राउत गद्दी, अजय पटेल, राधाकिशुन चौधरी लगायतका स्थानीय नेता तथा कार्यकर्ताहरूको उल्लेखनीय सहभागिता रहेको थियो ।
नेताहरूले गाउँ–गाउँमा बढ्दो सहभागिताले कांग्रेसको अभियान थप बलियो बन्दै गएको दाबी गरेका छन् ।
प्रतिक्रिया दिनुहोस् !