वीरगंज (पर्सा), २० माघ । पर्सा क्षेत्र नं. २ का प्रतिनिधिसभा सदस्य उम्मेदवार अशोक टेमानीको घरदैलो अभियान पर्सागढी नगरपालिकाको वडा नं. ३ स्थित झुलीटार, विरुवागुठी, भाबराह सहितको टोलहरुमा सम्पन्न भएको छ । जनता समाजवादी पार्टी (जसपा) बाट प्रतिनिधिसभा सदस्यका उम्मेदवार घरदैलो अभियानलाई तीब्र बनाएसँगै पर्सा क्षेत्र नं. २ जसपामय बनेको छ ।
टेमानीको घरदैलो अभियानमा स्थानीय युवादेखि महिला, वृद्धवृद्धाहरुले उत्साहका साथ व्यापक सहभागिता जनाई रहेका छन् । घरैदैलो अभियानकै क्रममा उम्मेदवार टेमानीले मतदाताहरुसँग प्रत्यक्ष संवाद पनि गरि रहेका छन् । संवादको क्रममा त्यस क्षेत्रका महिला मतदाताहरुले प्रत्येक पटक विजयी भएका नेताहरुबाट धोका मात्रै पाएको गुनासो गरेका थिए । उनीहरुले यहाँ भोट माग्न मात्रै नेताहरु पटक पटक आउने गरेको र जितेपछि बेपत्ता हुने गरेको कारण यहाँको समस्याले कहिलेपनि सम्बोधन हुन नसकेको गुनासो गरेका थिए ।
ठूलठूला लोभलाग्दा नाराहरु बोकेर भोट माग्न आउने नेताहरुबाट यस पटक पर्सा क्षेत्र २ का जनताहरु सचेत भइसकेको स्थानीय युवा मतदाताहरुको भनाई थियो । राजनीतिलाई मात्रै व्यापार बनाउने उम्मेदरलाई चिनिसकेको बताउँदै स्थानीय युवाहरुले त्यस्ता उम्मेदवारलाई मतको व्यालेट पेपरबाट जवाफ दिने बताएका थिए । अहिले पनि क्षेत्र २ बाट राजनीतिलाई व्यापार बनाएका पुराना अनुहारहरु पुनः उम्मेदवारी दिएका छन्, तर हालसम्म मुख देखाउन पनि आएका छैनन् भन्दै स्थानीय युवाहरुले अबको विकल्प जसपा उम्मेदवार टेमानी नै रहेको बताएका छन् ।
उनीहरुका अनुसार शिक्षामा अब्बल र एउटा सफल उद्योगीको रुपमा स्थापित अशोक टेमानी पर्सा क्षेत्र २ का जनताहरुको समस्या सम्बोधन गर्ने उद्देश्यले चुनावी मैदानमा उत्रिएको कारण उनलाई पूर्ण रुपमा समर्थन जनाउने प्रतिबद्धता जनाएका छन् ।
घरदैलो अभियानकै क्रममा मतदाताहरुसँगको प्रत्यक्ष संवादमा उठेका गुनासाहरुलाई सम्बोधन गर्दै उम्मेदवार टेमानीले यस क्षेत्रको समस्या बुझेर नै समाधानको हल खोज्न आफू चुनावी मैदानमा उत्रिएको र जनताको घरदैलोमा आएको बताए । उनले कसैको लहलहीमा नपरी जनताको समस्या, पीडा, किसानको समस्या जस्ता विषयलाई राम्ररी बुझेर समाधानको लागि पहल गर्न सक्ने व्यक्तिलाई जिताउन आग्रह गरे ।
उनले भने ‘तपाईहरु एउटै पार्टीलाई जिताउनुहोस्, र ५ वर्षसम्म हेर्नुहोस्, भएन भने ढुँगा हान्नुस्, राम्रो मान्छे हेरेर मात्रै आफ्नो अमूल्य मतलाई प्रयोग गर्नुहोस्’ । तपाईहरुको एउटा भोटको धेरै महत्व छ, त्यसैले लहलहीमा नपरी उम्मेदवार कस्तो हो ? के गर्न सक्छ ? उ सक्षम छ कि छैन ? उसको पृष्ठभूमि कस्तो छ ? यि विषयहरुबारे बुझेर मात्रै उम्मेदवारलाई रोज्न आग्रह गरे । घरदैलो अभियानमा जसपाका नेता कार्यकर्तादेखि स्थानीय युवा, समाजसेवी जस्तो विशिष्ठ व्यक्तित्वहरुको उल्लेखनीय सहभागिता रहेको थियो ।
प्रतिक्रिया दिनुहोस् !