वीरगंज ९ असार । होटल एसोसिएशन नेपालको इन्स्योर परियोजना अन्र्तगत हाउस किपिङ्ग तालिम सम्पन्न भएको छ । वीरगंजको होटल मकालुमा आयोजित ९६ घण्टे तालिमको समापन कार्यक्रममा बोल्दैै होटल संघ नेपालका केन्द्रीय महासचिव साजन शाक्यले हाउस किपिङ्ग तालिम अहिलेको आवश्यक्ता रहेको बताए । उनले सीप सिकेपछि स्वरोजगार बन्न सक्ने र विदेश जाँदा पनि अरुको तुलनामा राम्रो काम र पारिश्रमिक पाइने बताए ।
होटल व्यवसायी एवम् समाजसेवी पशुपति विक्रम शाहको अध्यक्षतामा आयोजित कार्यक्रममा हेल्वेटास मधेश प्रदेशका संयोजक भरत सहनी, नेपाल पत्रकार महासंघ पर्साका उपाध्यक्ष युवराज खड्का लगायतले तालिमको सह्राना गर्दै सहभागीहरुलाई तालिमको सदुपयोग गर्न पनि सुझाव दिएका थिए ।
होटल संघ नेपाल मधेश प्रदेशका उपाध्यक्ष मोहन प्रधानले होटलहरुमा आवश्यक जनशक्तिको परिपूर्ती गर्नुका साथै युवालाई सीप सिकाएर रोजगारी प्रदान गर्ने अभिप्रायले तालिमको आयोजना गरेको बताउँदै यस तालिमले युवालाई रोजगार प्रदान गर्न सघाउ पुग्ने बिश्व लिएको बताए । तालिममा सहभागीहरुलाई बृज सर्राफले प्रशिक्षण दिएका थिए ।
प्रतिक्रिया दिनुहोस् !