कलैया (बारा), ३२ जेठ । बारा जिल्लाको आदर्श कोतवाल नगरपालिका वडा नँ ३ स्थित अज्ञात समूहले गोली हानी क्याम्पस प्रमुखको हत्या गरेका छन् । सोही नगरपालिकाको वडा नं. २ खजुरिया टोल निवासी रामराजा बहुमुखी क्याम्पस कलैयाका प्रमुख ४५ वर्षीय हरिभूषण कुशवाहाको गोली हानी हत्या गरिएको जिल्ला प्रहरी कार्यालय बाराले जनाएको छ ।
कलैया स्थित रामराजा मोहन विक्रम शाह बहुमुखी क्याम्पस प्रमुख कुशवाहालाई अज्ञात समूहले शुक्रबार साँझ दाहिने काँखीमा गोली हानेपछि उपचारको लागि वीरगंज गण्डक स्थित नेपाल मेडिसिटि बयोधा अस्पतालमा ल्याइएको थियो । अस्पतालमा ल्याएको केही बेरमै अस्पतालले कुशवाहालाई मृत घोषणा गरेको थियो । ढाड र पिठयुमा गोली लागि गम्भिर घाइते कुशवाहाको उपचारको क्रममा मृत्यु भएको अस्पतालले जनाएको छ । 
क्याम्पस प्रमुख कुशवाहको थप उपचारको लागि काठमाडौं लग्ने तयारी गरिएको थियो तर बयोधा अस्पतालमा नै मृत्यु भयो । घटनामा संलग्न रहेको अशंकामा प्रहरीले एक जनालाई नियन्त्रणमा समेत लिएको छ । शंकास्पद एकजनालाई नियन्त्रणमा लिएर घटनाबारे अनुसन्धान भइरहेको जिल्ला प्रहरी कार्यालय बाराका प्रहरी नायब उपरीक्षक एवं प्रवक्ता दधिराम न्यौपानेले वताए । अनुसन्धान जारी रहेकोले बिस्तृत विवरण आउन बाँकी रहेको प्रवक्ता न्यौपानेले बताए ।
यस अघि पनि बारामा अज्ञात समुहको गोली प्रहारबाट एक जना प्रधानाधयापकको हत्या गरेको थियो । गतबर्ष कात्तिक १३ गते बाराको कलैया स्थित बाल एकता बोर्डिङ्ग स्कुलका प्रधानाध्यापक ३६ बर्षीय गुड्डु भनिने रुपेश स्वणर्कारको दिनदहाडै कलैया बजारमा अज्ञात समूहले गोली प्रहार गरी हत्या गरेको थियो । बारामा गोली प्रहारका घटना यस अघि पनि हुँदै आएको छ । जिल्लाको बरियारपुर तथा सिम्रौनगढमा भारतीय सुटरले नेपाल प्रवेश गरि गोली हानी विभिन्न ब्यक्तिको हत्या गरि भारततर्फ भागेका थिए । 
प्रतिक्रिया दिनुहोस् !