वीरगंज (पर्सा), १२ जेठ । द फ्रिडमफन्डको सहयोग र बिवाईसी पर्साको आयोजनामा जिल्ला तथा स्थानिय हरवाचरवा अधिकार मञ्चका सदस्यहरुका लागि जनवकालत तथा नेतृत्व विकास तालिम सम्पन भएको छ । बिरगंजको रणीसती धर्मशालामा आयोजित तालिममा जिल्ला समन्वय समिति पर्साका उपप्रमुख पुरन प्रसाद पटेलको प्रमुख आतिथ्यता रहेको कार्यक्रममा २५ जनाले प्रशिक्षण लिएका छन् ।
४ वटा पालिकाका हरवाचरवाका पदाधिकारी, जिल्लाका प्रतिनिधी र केन्द्रिय पदाधिकारीहरुको सहभागितामा भएको कार्यक्रममा प्रशिक्षण लिरहेका दलित समुदायका पदाधिकारीहरुले हामीहरुलाई स्थानीय तहदेखि केन्द्रिय सरकारले अवहेलित गरेको बताएका छन् । हामीहरुले एकत्रित भई आफना हक अधिकारका लागि गोलबन्द भई अगाडी बढ्ने प्रतिबद्धता जनाएका छन् ।
प्रमुख अतिथी तथा समन्वय समितिका उपसभापति कुर्मीले दलित अधिकारका लागि आफु व्यानरको अगाडी आई सहयोग गर्ने र हातमा हात र पाईलामा पाईला मिलाएर हिड्ने र लडने प्रतिबद्धता जनाएका छन् । आज सर्वहारा बर्गको लडाईमा अग्रसर हुँदै राजनीतिमा अगाडी बढेको र अहिले पनि दलित र हरवाचरवाका लागि कुनै कसर बाँकी नराख्ने समेत प्रतिबद्धता जनाए ।
कार्यक्रममा दलित अगुवा प्रभु पासवान, शिक्षक शम्भु यादव, हरवाचरवा जिल्ला अध्यक्ष अमरदेव राम लगायतले शुभकामना मन्तब्य व्यक्त गरेका थिए । जिल्ला अध्यक्ष अमरदेवले गीतको माध्यमबाट जनवकालत र नेतृत्व गर्ने समेत जनाएका थिए । अमरदेवको गीतले सहभागी सबैले उत्प्रेरित भई आ-आप्mना अधिकारका लागि अगाडी बढने समेत प्रतिबद्धता जानएका छन् । 
प्रतिक्रिया दिनुहोस् !