वीरगंज (पर्सा), १२ वैशाख । पर्साको धोबिनी गाँउपालिका वडा नम्बर ३ हरिहरपुरमा बुधबार दिउँसो आगलागी हुदाँ पाँच वटा घर जलेर नष्ट भएका छन् । आगलागीबाट एक टिनको छाप्रो भएको घर र ४ वटा फुसको घर जलेर नष्ट भएको इलाका प्रहरी कार्यालय लंगडीका प्रमुख प्रहरी नायब निरिक्षक (सई) तेजेन्द्र बिसीले जानकारी दिए ।
स्थानीय योगेन्द्र साह कानु, महेन्द्र साह कानु, हरिन्द्र साह कानु, लक्ष्मी साह कानु र सेठ साह कानुको घर जलेर नष्ट भएको सई बसीले वताए । योगेन्द्रको घरबाट सुरु भएको आगलागीमा पाँचै जनाको घर र घरभित्र रहेका सरसामान जलेर नष्ट भएको स्थानीय उनले वताए ।
आगलागीबाट पाँच वटा घर जलेर नष्ट भएपनि मानवीय क्षति भने नभएको ईलाका प्रहरी कार्यालय पोखरियाका प्रहरी निरिक्षक मोहन बिक्रम केसीले जानकारी दिए । पोखरियाबाट गएको वारुण यन्त्र, प्रहरी र स्थानीयबासी सहयोगमा आगो नियन्त्रणमा आएको उनले वताए ।
यसअघि गत चैत २७ गतेपनि धोबिनी गाँउपालिका वडा नम्बर ३ मै पर्ने गुलरीया गाँउमापनि आगलागी हुदाँ चार वटा फुसको घर जलेर नष्ट भएको थियो । त्यसैगरी बैशाख ८ गते छिपहरमाई गाउँपालिकाको वडा नं. १ भलुहियामा भएको आगलागीमा एक कुखुरा फर्म र दुई वटा घर जलेर नष्ट भएको थियो । 
प्रतिक्रिया दिनुहोस् !